RTVS i SNM s’a za problematičnu relaciju opravdaly

26.07.2022

 
Televizija jej vže zňala z archivu na sajti. Obydvi inštituciji obic’ajuť krokŷ, žebŷ ku podibnŷm situacijam ne prychodylo.
 
„Rusyňska i ukrajiňska narodnosť ne suť totožnŷ,“ napysav u seredu 13-ho jula 2022-ho roku na svojim oficialnim sajti na siti Facebook upovnomočenŷj vladŷ Slovac’koj republikŷ pro narodnostnŷ menšŷnŷ Laslo Bukovskŷj.
 
Komentovav tŷm striču, kotra odbŷla s’a jakraz v tot deň u vladnim hoteli Bôrik v Bratislavi, i kotru sklykav na osnovi poviriňa členiv Vŷboru pro narodnostnŷ menšŷnŷ i etničnŷ grupŷ za rusyňsku narodnostnu menšŷnu Petra Medviďa i Milana Jana Pilipa.
 
Predstavyteli Rusyniv na nij rišŷly z predstavyteľamy Radija i televiziji Slovakiji (RTVS) i Slovac’koho narodnoho muzeja (SNM) odvŷsŷlaňa relaciji S úsmevom po Slovensku III iz dňa 9-ho juna toho roku, v kotrim odzvučaly tverdžiňa, jakŷ spochŷbňujuť isnovaňa rusyňskoho naroda i joho kulturŷ.
 
Smich čerez slŷzŷ
Choc’ televiznŷj serial maje nazvu S úsmevom po Slovensku (Z usmichom po Slovakiji), relacija zo začatku juna bŷla pro Rusyniv skoriše smichom čerez slŷzŷ.
 
V tim programi vŷstupajuči navščivyly i Slovac’kŷj narodnŷj muzej – Muzej ukrajiňskoj kulturŷ u Svidnyku. V relaciji bisidovaly i z Іvetov Vasylenkovov, robitnyčkov spomjanutoho muzeja. V relaciji napryklad odzvučalo, že derevjanŷ chramŷ suť ver’chom architekturŷ „Rusyniv-Ukrajinciv“, pak na zvidaňa moderatorkŷ Janŷ Kovalčikovoj, ci maje rusyňska i ukrajiňska kultura mnoho spoločnoho, robitnyčka muzeja odpovisť, že rusyňska i ukrajiňska kultura je jedno i toto same.
 
Odvŷsŷlaňa programu stritylo s’a z velykov volnov nevoli z boku Rusyniv žŷjučich na Slovakiji, kotrŷ žadaly predstavyteliv Rusyniv čerez Okruhlŷj stil Rusyniv Slovakiji (OSRS), žebŷ rišŷly danu problemu.
 
OSRS vŷdav 13-ho juna oficialnu presovu spravu, v kotrij, okrim inšoho, žadav opravu i opravdaňa za odvŷsŷlanŷj program jak z boku RTVS, tak z boku SNM – deržavnŷch inštitucij, kotrŷ bŷ jak peršŷ maly dbaty o to, žebŷ s’a ne porušovaly prava narodnostnŷch menšŷn.
 
Po zhodi v OSRS tak samo na zasidaňu narodnostnoho vŷboru dňa 16-ho juna členove za rusyňsku menšŷnu vjedno iz predsedom vŷboru – Laslom Bukovskŷm, pryjaly odsudžujuče uznesiňa a Bukovskŷj bŷv povirenŷj zorganizovaty striču predstavyteliv Ministerstva kulturŷ, SNM i RTVS z predstavyteľamy rusyňskoj menšŷnŷ v štonajskorišim časi.
 
RTVS zňala program zo sajtu išči pered zasidaňom
Na okruhlim stoli ku tij temi, kotrŷj viv upovnomočenŷj Bukovskŷj, bŷly za rusyňsku menšŷnu učastnŷ Petro Medviď – člen narodnostnoho vŷboru, i Petro Štefaňak – zastupnyk člena narodnostnoho vŷboru a jednočasno predseda Okruhloho stola Rusyniv Slovakiji.
 
Za RTVS pryšly na roboču striču Anton Šulyk, kotrŷj je dyrektorom Sekciji programovŷch služeb Slovac’koj televiziji, dramaturg RTVS Pavel Chovanec’, a tak samo Daniel Dangŷl i Martin Frimer z produkčnoj kompaniji Noemo, kotra serial S úsmevom po Slovensku pro RTVS vŷrabľať.
 
Delegaciju Slovac’koho narodnoho muzeja viv generalnŷj dyrektor Branislav Panis, dalše bŷv učastnŷj namistnyk generalnoho dyrektora pro oddiliňa komunikaciji Jozef Bednar, dyrektor SNM – Muzeja ukrajiňskoj kulturŷ u Svidnyku Jaroslav Džoganik, i za Ministerstvo kulturŷ pryšov Radoslav Ragač, kotrŷj je generalnŷj dyrektor Sekciji kulturnoj didovyznŷ na danim rezorti.
 
Faktom je, že predstavyteli RTVS i produkčnoj kompaniji, kotra serial vŷrabľať, pryšly na striču z tŷm, že vže absolvovaly poradu v ramkach RTVS, spomynanŷ chŷbŷ sobi pryznaly i časť z 9-ho juna zňaly z archivu na vebstajti Radija i televiziji Slovakiji.
 
Na striči vŷrazyly žaľ nad vŷnyknutov situacijov i opravdaly s’a predstavyteľam rusyňskoj narodnotnoj menšŷnŷ. Garantovaly, že to z jich boku ne bŷv zamir, no bŷla to dramaturgična chŷba, kotru sobi ne usvidomyly, keď stryhaly relaciju do finalnoj verziji.
 
Tak samo pryobic’aly publične opravdaňa za odvŷsŷlaňa danoj relaciji. Do archivu i povtoriň s’a relacija verne až vtohdŷ, keď buduť problematičnŷ vŷslovŷ o Rusynach vŷstryženŷ, z tŷm, že predstavyteli Rusyniv distanuť doperedu relaciju na kontroľu.
 
Predstavyteli RTVS na okruhlim stoli tak samo informovaly, že zabezpečať pryjaťa takŷch krokiv, žebŷ v budučnosty podibnŷ situaciji ne vŷnykaly. RTVS bude zanymaty s’a i obs’ahom inšŷch formativ v radiju i televiziji, žebŷ ne prychodylo do toho, že rusyňska menšŷna prezentuje s’a u vŷsŷlaňu jak ukrajiňska menšŷna.
 
Tak samo bŷlo Rusynam proponovane, žebŷ RTVS stvoryla prostor v ramkach svoho vŷsŷlaňa pro realizaciju diskusnoho programu na temu mynulosty i sučasnosty rusyňskoj narodnostnoj menšŷnŷ i ukrajiňskoj narodnostnoj menšŷnŷ.
 
Muzej oficialno vŷznavať 13 menšŷn
Na robočij striči opravdav s’a poserednyctvom generalnoho dyrektora Branislava Panisa i Slovac’kŷj narodnŷj muzej, kotrŷj tak samo vŷrazyv žaľ na vŷnyknutov situacijov v povjazaňu z vŷslovamy kuratorkŷ Muzeja ukrajiňskoj kulturŷ v spomynanij relaciji.
 
Panis pidkreslyv, že stanovysko Slovac’koho narodnoho muzeja je jasne – vŷznavať 13 deržavov pryznanŷch narodnostnŷch menšŷnŷ, okremu rusyňsku i okremu ukrajiňsku narodnosť. Muzej bude publikovaty svoje oficialne opravdaňa na svojim vebsajti, v ramkach kotroho tak samo bude napysane, že SNM vŷznavať isnovaňa dvoch okremŷch narodnostnŷch menšŷn – rusyňskoj i ukrajiňskoj, jak i jich okremoj kulturnoj didovyznŷ.
 
V budučnosty tak samo choče SNM zabezpečity, žebŷ podibnŷ situaciji ne vŷnykaly. Panis na striči bisidovav o nulovij toleranciji na takŷ vŷslovŷ.
 
Okruhlŷj stil Rusyniv Slovakiji vjedno z členamy narodnostnoho vŷboru za rusyňsku menšŷnu planuje dalšŷ roboči striči z predstavyteľamy Ministerstva kulturŷ Slovac’koj republikŷ i Slovac’koho narodnoho muzeja, žebŷ rišŷty rusyňskŷ artefaktŷ, jakŷ do dnešňoho dňa suť v zbirkovim fondi SNM – Muzeja ukrajiňskoj kulturŷ u Svidnyku.
 
Petro Medviď
 
Žridlo:

Aktuality

Zobraziť všetky
30.04.2024

2% z Vašich daní

Uchádzame sa o Vašu priazeň... Uveďte naše o.z. do svojho daňového priznania resp. vyhlásenia a my Vás potešíme knižným darom. Notársky centrálny register určených právnických osôb Informácie o určenej právnickej osobe Evidenčné čí…
Kategória: Aktuality
Čítať ďalej
24.03.2024

DUCHOVNÉ STRETNUTIE NA TÉMU “LADOMIRSKE MNÍŠSTVO” 

V nedeľu víťazstva pravoslávia sa uskutočnilo s požehnaním Jeho Blaženosti Rastislava arcibiskupa prešovského a metropolitu českých krajín a Slovenska duchovné stretnutie mládeže a veriacich na tému “Ladomirske mníšstvo” v chráme sv. archanjela …
Kategória: Aktuality
Čítať ďalej
24.03.2024

Ako dopadli voľby v Prešovskom kraji

Pellegrini získal v Prešovskom kraji o 35-tisíc hlasov viac hlasov než minule Čaputová V Harabinovom okrese vyhral Korčok. PREŠOV. V minulých prezidentských voľbách dostala v Prešovskom kraji v prvom kole najviac hlasov Zuzana Čaputová, kr…
Kategória: Aktuality
Čítať ďalej
23.03.2024

Moskva žiada Berlín, aby uznal blokádu Leningradu za genocídu

Chce aj peniaze Ruská diplomacia žiada Nemecko, aby uznalo 900-dňové obliehanie Leningradu počas druhej svetovej vojny za genocídu. V pondelok ho k tomu vyzvala v diplomatickej nóte, v ktorej zároveň požaduje od Berlína ďalšie odškodnenie pre…
Kategória: Aktuality
Čítať ďalej
23.03.2024

Rozhovor. Slovenský venkov nikdy sounáležitost s Čechy necítil

Společný národ byla idea elit, říká historik Jan Rychlík S profesorem Janem Rychlíkem, který právě teď o dějinách Slovenska vydává knihu, o českých četnících na Muráni, o Svaté říši římské, o Masarykově konceptu čechoslovakismu, trochu i o ko…
Kategória: Aktuality
Čítať ďalej
22.03.2024

V Prešove rokovali biskupi na 35. plenárnom zasadaní Rady hierarchov

Gréckokatolícki biskupi sa v utorok 19. marca zišli na arcibiskupskom úrade v Prešove na 35. plenárnom zasadaní Rady hierarchov. Zasadanie tohto zákonodarneho zboru sa uskutočnilo po dvoch rokoch, nakoľko po zrieknutí sa úradu prešovského arcibi…
Kategória: Aktuality
Čítať ďalej

Naše obce

Zobraziť galérie

Ujko Vasyľ


Marča poslala frajirovi sms-ku. Mynule v noči jem u tebe zabyla naušničky. Možu soj po nych pryty? Boju sja, že mi zarosnuť ďirky...!
Zobraziť viac
Náhľad publikácie

Československý svět v Karpatech

Československý svet v Karpatoch

Čechoslovackyj svit v Karpatach

Reprezentatívna fotopublikácia
Objednať