Rusyňskyj chudožnyk Andrij Manajlo lavreatom premiji - Pro Cultura Minoritatum Hungariae

 

Русинськый художник Андрій Манайло став лавреатом майвысокої Державної Преміи Націоналных Меншин Мадярщины - Pro Cultura Minoritatum Hungariae

 

Міністерство людськых ресурсув Мадярщины вызнаменовало художника Андрія Манайло премёв Pro Cultura Minoritatum Hungariae – у знак признани < /em>я єго промінентної діятелности у сфері національнуй творчости и културы.

 

Церемонія нагороженя так званим «Оскаром» націоналных меншын, одбыла ся 13 октов бра 2018 рока, у Націоналнум кінематографичнум театрі «Уранїя», у Будапешті.

 

Нагороды были врученї Державным таёмником по церьковным и націоналным капчаням канцеляріи премьєр-мі ністра мадярщины – Міклошом Шолтесом и замістителём Державного таёмника по дїлам соціалнуй інтеґраціи Міністерства людскых ресурсув – Лангерни Віктор Каталін.

 

Андрій Манайло – художник-графік, рожденый у знамуй русинськуй династіи художникув – прихылник своюй націоналнуй културы. Народні корнї и наслідїє світового малярства уєдно вызначавуть єго творчу діятелность, котра привела ид участи у многых выставках по цїлому світови.

 

Властник чиселных межинародных вызнаменовань, будучи председов Націоналного Самосправованя Русинув Мадярщины, вун создав Межинародну Русинську збирьку каpтин и межинародні молодежнї творчі таборы для дорослых и молодежи, а также органїзовав ряд научных конференций и появленя чиселных выдань, сохранявучых русинську ідентиту.

 

Андрій Манайло – єден из май знамых сочасных художникув світового русинства – єднов из свойих майважних задач тримле сохраненя и розвой русинськуй культуры и її пропаґацію у цїлому світїи.

 

Ґратулюєме честованому художникови ид высокуй державнуй удзнацї!

 

Вэб сторонка художника: www.manaylo-art.com