Rychtujte sja na jubilejnyj 10.ričnyk Duchnovičovho Prjašova

Місто Пряшів было і є міцно споєне з меном славного русиньского будителя Александра Духновіча. А мож повисти, же праві його заслугов ся Пряшів став уж даскілько років главным центром богатого културно-сполоченьского і церьковного діятельства Русинів. Зато уж теперь (як ся стало традїціов) орґанізатор акції Русиньска оброда на Словеньску ся ріхтує на свою першу централну і цілословеньску акцію під назвом Духновічов Пряшів.

Того року ся одбуде його уж 10. юбілейный річнык, хто брав участь на такых акціях знать о чім є реч. Про тых котрым є таке дашто новостьов є потребне увести, же є то цілословеньскый конкурз в декламції русиньской творчости, поезії, прозы, ку котрым самособов належыть і духовна поезія, сценках, у власній творчости і народнім розповіданю. Зато ся на вас, дорогы діректоре школ, учітеле русиньского языка, школярі, членове РОС, чітетеле Інфо Русина і сімпатізанты Русинів обертаме з пропозіційов взяти участь в цілословеньскім конкурзі-Духновічов Пряшів 2009.

Цілословеньскый конкурз ся одбуде 12-го юла 2009 од 8, 30 год. на великой сцені Театру А. Духновіча в Пряшові. Там ся вшытці будете чути як досправдови театральны Духновічови звізды! Тогорічный 10. юбілейный річник понесе ідею якости перед квантітов. Уж теперь вам обіцяме множество прекваплінь і нового модернохо духа в комбінації зо старов традіціов і презентаціов нашого цінного материньского слова. Без огляду на то, ці ся у вашій школі учіте русиньскый язык, ці школярі і штуденты знають азбуку, даваме вам –їм можливость взяти участь у конкурзі і такым способом презентовати наш прекрасный русиньскый язык і літературу.

Того року суть кус змінены правила, змагати ся буде в катеґоріях 0-5. 0. катеґорія (діти МШ і першокласникы), 1. катеґорія (діти 2.-3. річника ОШ), 2. катеґорія (діти 4-6 річника ОШ), 3. катеґорія (школяри 7.- 9. річника ОШ), 4. категорія (штуденти середніх школ, учілищ і высокошколска молодеж), 5. катеґорія (доросли). Обогачены суть і окремы жанры як : поезія, проза, властна творчость, малы сценичны формы, народне розповіданя і фіглі. З нагоды юбілейного 10. річника ся одбуде і славностный акт выголошыня ЛАВРЕАТА ДУХНОВІЧОВОГО ПРЯШОВА. Лавреат здобуде міморядну ціну - русиньского медвідя. О ним розгодне одборна порота на пропозіції орґанізаторів. Тітул Лавреата може здобыти лен тот, хто брав найвеце участь в дотеперішнї історії Духновічовго Пряшова, або найвеце заінтересовав дотеперь пороту. Вірте, же мате ся на што тішыти, мімо того каждый участник дістане уж традічный діплом а выгерці окремых катеґорії і інтересы ціны. Но іщі передтім є потрібне выграти першы місця на окресных колах, бо до Пряшова бы мали прити лем тоты найліпшы з найліпшых, котре є потрібне зреалізовати до 26. мая 2009. Наслїдні выписати приглашку і до 30. мая 2009 послати на адресу Русиньской оброды, ул. Левочска ч. 9, 080 01 Пряшів. Приглашкы найдете і на інтернетовыых сторінках: www.rusyn.sk, або http://www.molody-rusyny.sk/

Веце інформації вам передаме і на тел. чілсі: 051 7722889 або на e-mail: sekretariat.ros@centrum.sk .

Одборна порота, ексклузівны гості як і орґанізатори акції ся уж теперь тішять на вашу участь! До свіданя у Пряшові 12. юна 2009.

Сілвія Лисінова



***********

Приглашка на конкурз Духновічів Пряшів – 2009

Дуxновічів Пряшів - цілословеньскый конкурз в русиньскій декламації ся одбуде 12-го юна 2009 в Пряшові, в Театрі Александра Духновіча, Яркова 77.

Презентація од 8,30 годині‚ зачаток конкурзу о 9. год.


Мено і призвиско:

Школа і дом. адреса:

Автор‚ назва твору:

Жанер: (поезія‚ проза‚ вл. творчість‚ сценка, нар. росповіданя, фіґлі):

Катеґорія:

Приглашкы посылайте до 30-го мая 2009 на адресу:
Bc. Silvia Lysinová
Rusínska obroda na Slovensku
Levočská 9
080 01 Prešov
Obalku označte heslom: DP