4. zabava u Bratislavi - rusynska evforija

       
To, o čym organizatori snivali pered dvomi rokami, ša hneska napovnylo do bodky i do pismena. Už dva roky ša snažat molody ľude stričajučy ša pid Rusynskom zastavom, oslovity molodych, kotry prejavujut zajem nelen o zabavu, ale i o ďalšy diania. Akciji, kotry ša uskutočnyli počas oktobrja potverdžujut, že zajem ožyvat čoraz vecik. Vyvrcholiňom byla tyždeň do peredu vyprodana 4. Rusynska zabava v Bratislavi, kotra ša stavat neodmysliteľnom sučasťom kulturno-spoločenskoho žyvota mnohych molodych v Bratislavi.
         
Po četvertyj raz ša otvorili dveri pro Rusynoch, po četvertyj raz ša otvorili rusynsky serca, po četvertyj raz byli domovy preneseny na parket, do taňcu, do špivu. Moderatory večera, Ľudka Sekeráková a Andrij Zeher, otvorili zabavu rusynskom basňom skomponovanom špecialni kvoli zabavi. Ku všytkym ša prihovoril  doc. MUDr. Michal Šteňo CSc., predseda ZIRS, kotryj poprial molodym veľo ďalšych uspechiv. Po joho slovach vystupil predseda o.z. molody.Rusyny a hlavnyj organizator všytkych zabav – Ing. Peter Štefaňák. Vyjadril myšlenku, žeby ša Rusyny ne hlasili ku Rusynom len na zabavi abo v korčmi, ale i pri sčitaňu ľudej v r. 2011. Po oficialnym otvoriňu nasledoval prekrasnyj špiv Simonky Kačmarovoj v sprievodi Martina Karaša. A prišla očekavana zabava, JUNO z Čirča ne zochabylo nykoho na stolku, taže 400 ľudej zaplavilo parket.

Nezabudnuteľna atmosfera ša prenesla i ku stolom, de si ľude pošpivovali špivanky, što využyl fenomenalnyj harmonikar Martin Karaš, predseda Švitvoho foruma rusynskoj molodeži. Parket ša zapovnyl zas a všytky dovjedna špivali. „Čujeme ša tu jak doma,“ povili mnohy a vychutnavali si temperament rusynskoho špivu i taňca. Program spestril FS Ekonom, kotryj zožal obrovskyj uspich po svojich dvoch tanečnych vstupoch. Calu akciju pidfarbovali členove organizaciji, kotry svojim krojovanym oblečiňom vytvarjali nadhernu atmosferu. 
       
“Zabava byla dobrom priležitosťom po dovšom čaši stritnuty ša s kamaratami a dakoj spoznaty ďalšych novych ľudej, dobri ša zabavity i potancovaty. Čelovik si dakoj upevnyt joho narodne povedomie i spomjane sobi, z kotroho hnizda pochodyt,” povila na margo zabavy Lydka zo Staroj Ľubovni. 
 

„Potverdilo ša to, že akcii organizovany molodyma Rusinami v Bratislavi majut stupajucu tendenciu, što ša odrazilo aj na vysokyj učasti. Virju, že takym sposobom oslovime što najvekše množstvo hlavni molodych Rusinyv a naplnime cieli, kotry odzneli aj pocas prihovoryv na zabavi,“ dopovnyl jeden zo spoluorganizatoroch zabavy Martin Dufala. 

Ďakujeme Vam za perfektnu atmosferu, za Vašoho ducha, kotroho ste šyrili a calyj večer tak obohatyli. Tišyme ša na ďalšu skvelu zabavu i na ďalšy spoločny akciji

 

-pš-


Fotoreportaž zo zabavy najdete na:   http://www.rusyn.eu/index.php?ID=4098&l=ska 
a v kurťim čaši aj na www.molodi-rusyny.sk .