65-ročňica šmerci dr.Havrijil Kosteľnika

65-рочнїца шмерци др Гавриїла Костельника 
 
Вчера було 65 роки як забити др Гавриїл Костельник

Вчера, 20. септембра, наполнєли ше 65 роки як у Львове 1948. року у атентату забити др Гавриїл Костельник, писатель и филозоф, основоположнїк литературного язика и уметнїцкей литератури Руснацох у Бачкей и Сриме.
 
На чесц означованя 65-рочнїци шмерци др Гавриїла Костльника, у Руским Керестуре на вовторок, 24. септембра, будзе отримана пригодна програма едукативного характеру, з тему „Живот, робота и дїла др Гавриїла Костельника".
 
Програму орґанизує нєвладова орґанизация у снованю, хтора за тераз ищє нє ма мено, а на чиїм чолє будзе Саманта Рац Стоїлькович.
 
Програма на вовторок будзе отримана у керестурским Каритасу, а о Костельникови буду бешедовац академик Юлиян Тамаш, др Янко Рамач, Микола Цап, Микола Шанта и о. Михайло Малацко.
 
На чесц Костельникови, Руснаци у Сербиї кажди рок орґанизую и Културну манифестацию „Костельникова єшень", хтора того року найвироятнєйше будзе отримана у новембру.

автор:  зам