65.ričnycja Akcyi "Visla"

65. річниця Акциі „Вісла''
Кінчыт ся рік вызначаючий наступну річницю нашого выгнаня, а мы не помістили  о тым  іщі  ниякого материялу . Може зато, же то лем дакус округла річниця, а може... По правді нерадо вертаме до оного смутку, хоц преці обовязком нашым є постити о ним памят.

На днес прагнеме представити незмірні цiнний лист, писаний дораз по выгнаню, 12 липця 1947 рока. Надіслал нам го п. Ваньо Дзядик. Лист писала його мама, Параска Дзядик з дому Греняк (1914-2001), родом з Крільовы Руской, оддана до Фльоринкы за Михала Дзядика. Лист адресуваний был до Ілька Дзядика (єдного з трьох братів што выіхали до Америкы), брата тестя. Лист, а властиві листы, бо є іх пару, заховали ся щесливі і іх копіі бьли пересланы до Польщы через мешкаючу на Алясці внучку Ілька Дзадика.

(...) нас выгнали на Захід, на таку пустыню, што нее нич ани засіяно, ани не саджено і цілком пустыня, ани травы для худобы, домы без окєн, без двери і без пеців (...) тяжко нам. гев буде жыти - пише Параска Дзядик (на копіі листу замалювало тот текст флямастром, зато в репродукциі є він може дакус нечьггельний; передаєме го в сучасні усталеній писовни; автентык буде все доступний і, думам, выкорыстаний в своім часі згідні з нормами документациі; дякуєме красні п. Ваньови Дзядикови за пересла-ня нам цінного материялу).

Нюже (обік) поміщаме знимку опубликувану недавно в польскій пресі. На жаль, „втекла" нам спід рукы дана газета і не годни сме подати джерела.

(пт)

Zdroj: Besida, časopys Holovnoho Zarjadu Stovaryšyňa Lemkiv,  N4/2012