BEOGRAD - VIBERANKI ZA NACIONALNI SOVIT

Право гласа маю 8 562 Руснаци
Спрам 21. мая заключеного окремного виберацкого списку, право гласа на виберанкох за нови Национални совит маю 8 562 Руснаци уписани до окремного виберацкого списку (ОВС) у Сербиї.  За шицки национални меншини котри свойо национални совити буду виберац директно, ОВС заключени 21. мая на пол ноци - стої на сайту Министерства за людски и меншински права.

До ОВС найвецей уписаних Руснацох єст у општини Кула - 3 181. У Руским Керестуре уписани, односно право гласа маю 2 784 Керестурци, у Кули 348, у Крущичу 47 и у Червинки двойо уписани Руснаци.
У општини Вербас до ОВС уписани 2 054 Руснаци, найвецей у Коцуре - 1 380; у Вербаше 664, у Савиним Селу 9 и у Змаєву 1.
У Городзе Нови Сад и його пригородских општинох до ОВС уписани вєдно 1 246 Руснаци. У самим Новим Садзе 991, у Ветернику и Петроварадину по 81, у

Сримскей Каменїци 39, у Футоґу 25, у Руменки 14, у Кисачу и Беґечу по 5, у Будисави 4, а у Катю єден Руснак.
У општини Жабель до ОВС вєдно уписани 823 Руснаци - у Дюрдьове 681, у Ґосподїнцох 114 и у Жаблю 28 Руснаци з правом гласа на наступних виберанкох.
У општини Шид до ОВС уписани вєдно 635 Руснаци и то у Шидзе 296, у Бикичу 179, у Бачинцох 156, у Люби 3 и у Бинґули 1 Руснак.
У општини Бачка Тополя до ОВС уписани вєдно 200 Руснаци - у Новим Орахове 123, у Бачкей Тополї 72, у Байши 3 и по єден у Пачиру и Старей Моравици.
И у општини Сримска Митровица до ОВС вєдно уписани 200 Руснаци - 173 у Сримскей Митровици и 27 у Латярку.
У городзе Суботици до ОВС вєдно уписани 92 Руснаци, дзе у самим городзе 87, а у Вичнєвцу и Келебиї по єден, док на Паличу тройо.
У городзе Зомбор уписани 30 Руснаци до ОВС, у Беоґрадских општинох вєдно 24, у темеринскей општини 14, у беочинскей 9, у тительскей и бачкопетровацкей по 6, у оджацкей, панчевацкей, темеринскей и сримскокарловацкей по штверо.
У општинох Зренянин, Сента, Србобран и Мали Идьош до ОВС уписани по тройо Руснаци, у општинох Нови Бечей и Бечей по двойо, а у општинох Ада, Алибунар, Арандєловац, Бач, Бачка Паланка, Яґодина, Канїжа, Кикинда, Куршумлия, Медведя, Нови Пазар, Пландиште и Приєполє по єден припаднїк нашей меншини котри 6. юния маю право гласа на виберанкох за Национални совит Руснацох.
 

зам