Beograd - Viberanki za nacionalni sovit Rusnacoch

 

Перша "Вєдно за Руснацох", друга "Руска лиґа-Олена Папуґа"
 

Спрам вчера сообщених конєчних, урядових резултатох, на виберанкох за Национални совит Руснацох найвецей гласи достала лїстина "Вєдно за Руснацох", ношителя Славка Раца - 1 702 гласи, лєбо 36,03 одсто.На другим месце лїстина "Руска лиґа-Олена Папуґа", ношительки Олени Папуґовей, котра достала 1 206 гласи, лєбо 25,53 одсто.

На трецим месце лїстина "Руска матка", ношителя Дюру Папуґу, котра достала 531 глас лєбо 11,24 одсто.
На штвартим месце "Сримска лїстина" Руснацох зоз Сриму, котра достала 476 гласи, лєбо 10,08 одсто.
На пиятим месце лїстина "Вєдно за Руснацох" Рускей демократскей странки, ношителя Мирослава Бесерменя , котра достала 449 гласи, лєбо 9,50 одсто.
На шестим месце лїстина "Руска младеж", ношителя Сашу Палєнкаша, котра достала 360 гласи, лєбо 7,62 одсто.
 

Спрам достатого числа гласох, у новим Националним совиту Руснацох найвецей места (представнїкох) буду мац лїстина "Вєдно за Руснацох" - 7, и лїстина "Руска лиґа-Олена Папуґа" - 5 мандати. По два места, односно представнїкох, буду мац три лїстини - "Руска матка", "Сримска лїстина" и "За народ свой", а єдно место припадло лїстини "Руска младеж".
Од 8 562 Руснацох уписаних до ОВС, на нєдзельових виберанкох гласал 4 801 Руснак, односно 56,07 одсто. Нєважаци були 77 гласацки лїстки, а важаци 4 724 - сообщела вчера Централна виберанкова комисия.

Як и други совити хтори виберани директно, и Национални совит Руснацох би мал буц конституовани по 29. юний.
 

зам