Bezplatni internet u 22 opštinoch u Vojvodini

Безплатни интернет у 22 општинох у Войводини
З вчерайшого уручованя контрактох у Влади Войводини З вчерайшого уручованя контрактох у Влади Войводини Предсидатель Влади Войводини Боян Пайтич вчера у Новим Садзе уручел контракти вредносци коло 29 милиони динари, за поставянє локацийох за безплатни приступ на интернет у 22 општинох у покраїни.

З тим пенєжом одредза ше 77 "хотспот" локациї з приступом на интернет на явних местох у 50 войводянских валалох. - Проєкт им оможлїви же би тримали крочай з новима технолоґиями, же би лєгчейше сциговали по нови спознаня и информациї у обласци науки, нових технолоґийох и привреди, цо важнє за їх еґзистенцию - гварел Пайтич.

Пайтич поволал локални самоуправи же би и далєй участвовали у тих програмох, бо Влада Войводини и у шлїдуюцим року предлужи з модернизованьом информацийних технолоґийох.

Проєкти локалних самоуправох за безплатни приступ на интернет одобрени на конкурсох Секретарияту за привреду, обезпечованє роботи и ровноправносц полох у обласци електронских комуникацийох и информацийного дружтва.

автор: ртв

Zdroj: http://vesti.ruthenpress.info/index.php/ruthenpress-рок-2013/децембер/безплатни-интернет-у-22-општинох-у-войводини112113.html