Bleskový rozhovor...

s PhDr. Máriou Chomovou, členkou Výkonneho výboru Združenia inteligencie Rusínov Slovenska (VV ZIRS).

Jak hodnotyte robotu v ZIRS-i?
Jednoznačni pozitivňi. Hlavňi jej pružnosť, pohotovo reaguvati na problemy Rusyňiv v spoločnosti. Prioritov pro mene jak pedagoga, vse byli vysľidky roboty a ne formalny schodzy. Jak raz tot talent robyť zo ZIRSu kulturnu organizaciju.

Chto mat na ťim najbiľšu zasluhu?
Okrim čleňiv VV ZIRSu a joho dvoch lidriv (M.Šteňo, J. Lypynskyj) i množstvo molodych aktivisťiv, študenťiv, podnykateľiv šyrokoho spektra – nezaležňi na viku abo profesiji. Ne smijeme zabyti na nykoho, chocj by lem malov doľjov pryspiv do spoločnoho blaha Rusyňiv.

V seredu 16. apriľa 2008 zasidav VV ZIRSu. Što rišav?
Napered sjme hodnotyli aktivity organizaciji za poslidnyj 2007 rik, kotryj byl bohatyj i plodnyj na robotu. Zhodli sme sja, že o naši roboťi bylo čuti po cili Sloveňski republyci.
Z koncertom A čija to chyža...sme byli v Košycoch i u Stropkovi; v Bratislavi, Prešovi, Humenňim i Snyňi zme promitali dokumetarňi filmy o Rusynoch; pomahali sme kolo propagaciji vystupľiňja TAD v braťislavskych teatrach, orgaňizuvali sme bisidy z molodyma Rusynami, vydarylo sa stritnuťja molodych v pryroďi pri sportovych hrach, podarylo sa nam čerez web storinky propaguvati nelem našu robotu, ale važny udalosti v žyvoti rusyňskoho sela, ne treba zabyti ani na Rizdstvjanyj koncert vo velyki koncertňi sali Sloveňskoho radia i na rusynskyj bal v hoteľi Holiday Inn.

Što ZIRS planuje do budučnosti?
Z orgaňizačnoho boku sjme zarjadyli aktualizacju Stanov ZIRSu, vyminu členskych preukaziv i chočeme ponuknuti členstvo novym aktivistam, robotov planujeme oslovuvati molodych Rusyniv, byti jim na pomoči pri organizuvaňu ich akciji. Všytky im trymleme palci, žeby ich majova zabava dopala, jak naľipše.
V tim roci mame v plaňi organizuvati Stritnutja kolo Dunaja, budeme pokračuvati v prezentaciji filmiv z rusyňskov problematikov, zaujemciv poťišat e-novynky z aktualitami z rusyňskoho svita a jak všytko dopade podľa planu, pustyme sja do produkciji dokumentarnoho filmu.

Spomjanuli ste „sekciu ZIRS“- molodi.Rusiny. To je dašto nove v žyvoti organizacji...
Molodež vse byla v centri spoločenskych poďij. Zakoňite je, že i teperišňja moloda generacija čuje potrebu združuvati sja i seberealizuvati v duchu odkazu rusyňskych buditeľiv. I to je vysľidok vychovy rodičovskoho hňizda. Takym rodičom patryť i naše poďjakuvaňja.

Ďjakuju.

-lb-