Budapešt: Rusyňskyj almanach 2009

Презентуєме Русинськый Календарь-Альманах 2009

Выданя Вседержавного Русинського Меншинового Самоуправленія, Русинського Меншинового Самоуправленія Йожефвароша и Вседержавного Общества Русинськоі Интелігенциі имени Антонія Годинки. Вседержавноє Общество Русинськоі Интелігенціи им академіка Антонія Годинки дустало грант на выданя Русинського Альманаха и Календаря 2009 от Фондаціи Національных и Етнічных Меншин Мадярщины, за што наше Общество выражає офіціальну подяку. Айбо появленіє нашого выданя не было бы возможным без подпорованя вшытких тых, ко помагав нам збирати матеріалы, писав статі, давав нам совіты и критику. Матеріальну помоч и подпору достали сьме от многых Русинськых Меншиновых Самоуправленій, за што издателі выражавуть благодарность.
 

Честовані читателі!
Община русинув Мадярщины за минувші рокы твердо ся сплотила и стала на путь на путь соз-данія твердого фундамента русинськоі ідентиты. Приміром континуіти нашоі діятельности на полі оновленя и кодифікаціи русинського языка у Мадярщині являвуться наші выданя: новинкы (авадь, інкаб журнал) Русинськый Світ, котрый выходить уже семый рук и наш Русинськый Календаль-Альманах. Сесе уже десятоє за шором появленя нашого Календаря.

У сьому році наша община проводила тоті програмы и міроприятія, котрі уже стали традиціонными и не зависять отрезультатув выборув: йсе и Національноє Свято Ру­синув Мадярщины, котроє сяткуєме на держав­ному уровні у маю, и памнятні конференціи, посвя­чені академіку Антонію Годинці, и многі другі, айбо сись рук быв наповненый и новыми акціями, появилися нові выданя. Так, 28 новембра у Буда­пешті состоявся I Межинародный Фестиваль Ру­синськых Філмув. Ціль сього фестиваля - представленіє філмув на ру­синську тематику и їх авторув у шилиякых держа­вах. У сьому році мы продовжили и майуспішні наші начинанія, а то и проведеня Межинародных Пленерув Русинськых Художникув, творчеські доробки котрых поповнили образотворчу колекцію Русинського Музейного Собранія. У началі нового 2010 рока плануєме презентацію наших новых выдань „Антологія русинськоі прозы из серіи „Русинськый ренесанс" и „Рецепты русинськых газдынь Мадярщины".
 

Ушыткі наші старанія подчинені майголовнуй цілі - кодифікаціи русинського языка у Мадярщині. Сись дуже нелегкий процес зачали сьме уже пару рокув тому, діла сього ВРМС и СРМС создали робочу групу філологув. Ведучим її є професор М. Капраль. За основу концепціи кодифікаціонна група узяла основи кодифікаціи, котрі были вироблені на I Межинародному Конгресі Русин­ського Языка (1992 р. Бардійовські купелі). Первым ділом, утвердила азбуку и робить над составленієм букваря. Далше у плані є составленіє русинсько-мадярського и мадярсько-русинського словаря и граматики, далше учебникув діла началных школ.Єднов из наших цілей є изданіє сочасных матеріалув, обы и пусля нас новоє поколеніє мало бы представленіє про діла своих предкув.
 

Составителі:Др. проф. Антоній Лявинец, Др. Маріанна Лявинец, Др. Степан Лявинец