Členi novoho Sovitu

Члени нового Совиту
Национални совит Руснацох ма 19 членох и за конститутивну схадзку, члени Националного совиту одредзени спрам шорного числа на виберанковей лїстини. У случаю одуставаня даєдного кандидата з лїстини, його место припада шлїдуюцому кандидатови з тей лїстини.

Спред лїстини "Вєдно за Руснацох", ношителя Славка Раца, хтора будзе мац седем места у Националним совиту, буду: Славко Рац Цацо, дипл. економиста, Славко Орос, дотерашнї предсидатель НС (обидвоме з Руского Керестура), Леона Виславски, покраїнска посланїца з Дюрдьова, мр Михайло Малацко, священїк з Руского Керестура, Микола Ґубаш, погонски електричар з Коцура, Нада Лендєр, лабораторийни технїчар з Вербасу и Мирон Сабадош, дипл. електро-инжинєр з Дюрдьова, понеже др Мирослав Планчак з Нового Саду, як седми на лїстини, одустал од членства у НС.

Спред лїстини "Руска лиґа-Олена Папуґа", ношительки Олени Папуґовей, хтора у НС будзе мац пейсц места, буду: Олена Папуґа, народна посланїца, Дюра Винаї, новинар-редактор (обидвойо з Нового Саду), Михайло Еделински, електромеханїчар з Нового Орахова, Мелания Римар, новинар з Петроварадину и Йовґен Мудри, пензионер з Дюрдьова.

Спред лїстини "Руска матка", ношителя Дюру Папуґу, хтора у НС будзе мац два места, буду: Дюра Папуґа, новинар-редактор з Руского Керестура и Аранка Медєши, административни роботнїк з Коцура.

Спред лїстини "За народ свой" Рускей ДС, ношителя Мирослава Бесерменя, хота у НС будзе мац два места, буду: Мирослав Бесерменї, др ветеринарскей медицини зоз Сримскей Митровици и Наташа Макаї Мудрог, инокоресподент-сотруднїк зоз Сримскей Каменїци.

Спред "Сримскей лїстини", хтора нє мала ношителя и у НС будзе мац два места, буду: Вера Дупало, мр медицинских наукох и Звонко Гнатко, дипл. инж. овоцарства и винїцарства, обидвойо зоз Шиду.

Спред лїстини "Руска младеж", ношителя Сашу Палєнкаша, хтора у НС будзе мац єдно место будзе Сашо Палєнкаш, орґанизатор з Руского Керестура.

(конєц) зам