Čom ša pryholosyti ku Rusynom pri sčitaňu ľudi?

V skutočnosti by sme soj mali vyjasnity otazku, čom ša holosyti ku Rusynom, no hololovňi soj ju mame poklasti v časi sčítaňa ľudi.  Naisto je vecej  pričin, ale najvažniše je, že my sami ša čujeme Rusynami. Može  ne dotrymujeme všytky rusyňsky tradiciji a može dokonca ne zname ani porjadňi bišiduvaty,  ale velyka  časť našoho žyvota je formuvana rusyňskymi zvykami a ani sami o tim  ne zname.

Neodovho bude  Velykdeň  a my budeme peči  paschu, pysati pysanky, zberati kopryvu  do jašnici.... Chlopci  budut chodyti oblyvati ďivčata a ony im za porjadnu oblyvačku podarujut maľovane jajce. A kiď dotrymujeme  toty tradiciji, tak sobi usvidomľujeme,  že je v nas  dašto, što nas vjaže  ku našym predkom.

Zato ne vahajme a pri sčitaňu ľudi  napyšme do kolonky narodnosť taku, jaku mali našy predkove,  jaku majut i našy rodiče. Dajme sobi taku narodnosť, do jakoj sme ša narodili a v jakij sme byli vychovavany.

Ne haňbme ša za to, kym zme!  Hordo vyholosme do ciloho švita, že Rusyny na Slovensku iši furt sut !
 
Peter Čulak, študent VŠE Praha