Ďakovne pysmo i prosba o schvaliňa zakona "O osnovach štatnoj jazykovoj politiky" na Ukraji

Дяковне письмо і просьба о схвалїня закона „О основах штатной языковой політікы“ на Українї

СВIТОВА РАДА РУСИНIВ / РУСНАКIВ / ЛЕМКIВ
WORLD COUNCIL OF RUSYNS
Tel.: 00381/25 702 000, 00381 /64 430 46 40 e-mail: matka@open.telekom.rs
00421/57 74 601 32, 00421 /911 070 023 e-mail: tajomnik.rusin@gmail.com 
Svetový kongres Rusinov, Levočska 9, 080 10 Prešov, SLOVENSKO

Посланцї
Верьховной Рады Україны,
Грушевского 5
К И Ї В, УКРАЇНА
 
 
Важены посланцї Верьховной Рады Україны,
при проїднаванї наврґу предложеного Закона о основах штатной языковой політікы на Українї, яке ся одбыло 05. Юна и 03. Юла 2012 року в першім и другім ґолосованю підпорило пропозицію 234 и 248 посланцїв Верьховной Рады Україны. Члены Світовой рады Русинів, засыламе Вам Дяковне письмо за высловлёвану підпору посланцями Верьховной Рады Україны, до проїднаваного наврґу Закона о основах штатной языковой політикы Україны.

Особливо притискуєме потребу, абы Закон штатной языковой політікы на Українї, з установлїнём штатного україньского языка і 18 реґіоналных або меншыновых народностиых языків на Українї, што найскоріше урядово прызнав міджі ними і русиньскый язык. Русиньскый язык ся днесь хоснує у векшынї середнёевропскых країн в котрых жыють Русины (Руснаці і Лемкы), хоснуючї вшыткы установлїня Европской харты реґіоналных або меншыновых нарадностных языків. Є тому так в Польску, Чеську, на Словеньску, в Мадярьску, Сербії, Хорватії і в Румуньску. Дотеперь тому небыло так, лем на Українї. Высокы школы, на котрых ся днесь може штудовати русиністика уж давнїше екзістують в Новім Садї в Сербії, в Пряшові на Словеньску, в Кракові в Польску і в Нїредьгазі в Мадярьску.

Зарівно хочеме Вас інформовати, же наслїдный 12. Світовый конґрес Русинів (Руснаків і Лемків) ся одбуде в юнї 2013 року в Мукачеві і в Сваляві на Підкарпатю ( Україна ), на котрый будеме позывати і Вас посланцїв з Україны. Віриме в успішне схвалїня закона і новы можности при ужыванї реґіоналных або меншыновых народностиых языків на Українї.
 
Сердечно поздоровляме
 
В Руськім Керестурї, 27. юна 2012

Дюра Папуґа, председа
Світовой рады Русинів/ Руснаків/ Лемків

Zdroj: http://www.ua-reporter.com