ĎAKUJEME OTČE DUCHOVNYJ !

V seľi Kamjunka ša 24. mája 2009 odbylo 1. švate prijimaňa ďitočkyv 4. ročnika osnovnoj školy. V cerkvi švatoho Petra i Pavla zvučali rusinsky duchovny pisňi od Josifa Kudzeja, otec duchovnyj František Krajňak služyli staroslavjaňsku službu Božu a jednotlivy častky i propoviď byli v spisovnym rusinskym jazyku. Prekrasnym zažytkom pro všytkych mohlo byti viďiti Kamjunsky ďitky jak špivajut švaty špivanky, jak ša modľat OTČE NAŠ, BOHORODICE i VIRUJU, jak obicajut služyti Christu Bohu i zrjikajut ša planoho ducha, jak recityjut a to všytko po svojomu, tak jak ša modlili i rozpravjali jich ďidove i baby.

Treba povisti, že pri utrimovaňu svojoj identity, našoj rusinskoj kultury, zvykyv i obyčajiv je pravi cerkov i vychodnyj obrjad v ňij jeden z najdôležiťišych faktoryv, kotryj rozhodyje o tym, či dane selo sobi utrime svyj rusinskyj pôvod, abo ša ľude asimilyjut i skorej, či neskorej budut rozpravjati po slovensky. Je už len malo sel de sobi trimajut svyj pôvodnyj obrjad i neslužat službu Božu po slovensky. Jednym z tych sel je i naša Kamjunka na čym nemalyj poďil majut naš otec duchovnyj František Krajňak.

Za prekrasne 1. švate prijimaňa i za rozvivaňa našoj pôvodnoj kultúry, obrjadu, zvykyv i tradicijiv Vám otče duchovnyj i Vašyj ženi Vieri v meni miestnoj organizáciji Rusinskoj obrody na Slovensku serdečni chceme poďakovati i vysloviti Vám uctu i česť. Bodaj by takych otciv duchovnych bylo v našych rusinskych selach što najveci.

Ďakuje MO ROS v Kamjunci