Delegacija Bikiču podpisala Hramotu o sotrudňictve zos Stebnikom

Делеґация Бикичу подписала Грамоту о сотруднїцтве зоз Стебником
 
Делеґация Месней заєднїци (МЗ) Бикич, на чолє з предсидательом Совиту МЗ Деяном Бобальом, од 26. по 28. октобер була у нащиви Словацкей Републики.

З тей нагоди предсидатель Совиту МЗ Бикич Деян Бобаль, зоз старостом Стебнику Штефаном Кучечком подписал Грамоту о сотруднїцтве и братименю двох местох у обласци култури, спорту, у ловстве, алє и о заєднїцким конкурованю за средства з ЕУ, хтори ше одноша на медзинародне, прейґгранїчне сотруднїцтво.

У делеґациї МЗ Бикич хтора нащивела Словацку були и Мирослав Сокол, Янко Гнатко, Зденко Лазор и Данил Штефанчик, спред локалней самоуправи началнїк Општинскей управи Шид Ромко Папуґа, як и секретар Союзу Руснацох Українцох Сербиї Славко Джуджар.

На подписованю Грамоти присуствовал и началнїк Бардейовского округу Мирослав Буйда, а сотруднїцтво би мало буц запровадзене и медзи Бардейовским округом и Општину Шид.

Бикичанє нащивели валали у Словацкей дзе жию Руснаци - Куров, Обручне, Решов и Камєнку, у хторей ше стретли з приятелями з КУД „Барвинок”, а тиж нащивели и дзепоєдни валали у Польскей дзе жию Руснаци.

(конєц) влдї