Deň materyňskoho jazyka

 

Дзень мацеринского язика у Палати Сербиї
 

Нєшка у Палати Сербиї будзе означени медзинародни Дзень мацеринского язика, хтори орґанизую Министерство за людски и меншински права и Покраїнски секретарият за културу.
 

На святочносци з тей нагоди буду бешедовац Министер Светозар Чиплич, покраїнски секретар Милорад Дюрич и добитнїца НИН-овей награди за роман рока Ґроздана Олуїч, а школяре Карловацкей ґимназиї виведу представу "Най твойо слово будзе чисте".
 

У рамикох преслави, 7. марца, у Битеф театру будзе одбавена представа"Алеґория" хтори реализує ґрупа "Студио" у сотруднїцтве зоз "Арт клїнїку" и Театром младих зоз Нового Саду, а у представи ше бешедує на 5 язикох: словацким, руским, ромским, мадярским и сербским.
У Новим Садзе Дзень мацеринского язика будзе означени у Городскей скупштини зоз округлим столом у орґанизациї Педаґоґийного заводу Войводини на хторим будзе представена публикация "Вецейязични швет" Меланиї Микеш.
 

Ґенерална скупштина УНЕСКО одредзела 21. фебруар 1999. року за Дзень мацеринского язика як здогадованє на студентох хтори на тот дзень 1952. року забити у Восоточним Пакистану, нєшкайшим Банґладешу пре протест же їх мацерински язик нє преглашени як урядови.
 

(конєц) ад