Dňeška schadzki Švetovej rady i Komisiji za informovaňe i vydavateľnu dijalnosc Kongresu

Нєшка схадзки Шветовей ради и Комисиї за информованє и видавательну дїялносц Конґресу

 

У Старих Янковцох у Горватскей нєшка будзе отримана позарядова, шеста схадзка Шветовей ради Руснацох/Русинох/Лемкох (ШР РРЛ), як и медзиконґресне зашеданє Комисиї за информованє и видавательну дїялносц Шветового конґресу (ШК) РРЛ.

 

Члени ШР буду розпатрац актуални стан и обставини медзи Русинами на Подкарпатю (Закарпатю) у України, з окремним огляднуцом на "одлуки" Конґресу Русинох и Мадярох з Подкарпатя у України, хтори отримани 8. авґуста у Будапешту у Мадярскей.

 

ШР будзе розпатрац и звит Комисиї за информованє и видавательну дїялносц ШК РРЛ, а на дньовим шоре Комисиї догварка о витворйованю єй заключеньох принєшених под час прешлорочного 12. Шветового конґресу, розпатранє плану проєктох ШК за тот и за наступни рок, финализованє видаваня колядох РРЛ, як и бешеда о наступним чишлє глашнїку ШК "Глас Русина".

 

Обидва схадзки починаю на 10 г., а члени ШР и спомнутей конґресней комисиї вчера присуствовали на означованю ювилею школства у Петровцох, у Горватскей, як и на Културней манифестациї "Кед голубица лєцела" у тим месце.

 

автор:  зам