Dodzeleni 10 stimulaciji gimnazijalcom

Додзелєни 10 стимулациї ґимназиялцом
Прешлого тижня, дзешецеро школяре першей класи Ґимназиї по руски у Школи “Петро Кузмяк”, од Националного совиту Руснацох достали стимулациї за упис до Ґимназиї.

Стимулациї за упис до першей класи Ґимназиї по руски того року буду доставац дзевецеро школяре з Руского Керестура и єдна школярка зоз Сримскей Митровици, а двойо школяре - спомнута зоз Сримскей Митровици и єден школяр з Нового Орахова, пребуванє у интернату буду мац задармо.

Хаснователє пенєжних стимулацийох одредзени на основи успиху, осдносно ранґ-лїстини при уписованю до Школи “Петро Кузмяк”, а висина мешачней стимулациї виноши 5 тисячи динари.

За пребуванє у интернату двоїм школяром у руским оддзелєню Ґимназиї, Национални совит будзе плациц по 3 тисячи 900 динари мешачно.

Концом прешлого тижня, осмеро ґимназиялци уж подписовали контракти о доставаню стимулациї, ище двойо то оконча того тижня, а пияток шицким на рахунки уплацени по 5 тисячи динари, за септембер. Штредньошколци стимулацию за упис до нашей ґимназиї по руски буду доставац 10 мешаци.

(конєц) зам