Dorohy Rusyny vo Svidnyku

Дорогы Русины во Свиднику. 

 

Барз бы єм хотіл подякувати цілій Вашій свидницкій орґанізациі Русуньской Оброды, а головно за вашым посередництвом - Милошови Стрончекови і Імро Цуперови за позванку і быти може незаслужене чествуваня і гощыня за цілий час фестівалю. 

 

Велика пошана Вам зато, што сте в силі придумати і реалізувати тото свято русиньской культуры, де намагате ся дати проґрам, котрий одпрезентує не лем музыку більше, ци меньше естрадну, але ідете і на вказаня інчых просторів русиньского жывота - наукы, языка, театру і книжок. Бракує мі лем до польного перегляду русиньской культуры пластичных і фільмовых творів. Тамтого рока был участний народний різбяр пан Ґавула і Данієля Капральова. Думам, што о рік дашто нове зас нам вкажете. Потенициял свидницкого фестівалю великій і виджу го як єдну з акций, котра біжыт допереду, розвиват ся і занимат прострір занятий скорше чужынцями і чужом ідеолоґіом. 

Майте ся мі шумні, думайте на нас, жебы Лемкы не были як сироти оставлены на зожертя вороженкам. 

 

про Фестіваль Русиньской Культуры писали сме в нашым тыжденнику в двох чыслах. 

 

Oставайте здравы 

Богдан Ґамбаль

шефредактор радия ЛЕМ.фм