Dvacet patriarchiv svita sja doznalo o likvidaciji Rusiniv v okresi Medžilabirci

Stritnuťa papy rimskoho Venedikta XVI. z patriarchom Kyrillom v Baku – sja nakonec ne uzkutočnilo
 
Toho roku (2009) vo Svidnickoj tlačarni byla vydrukovana v poradi už šesta istorična knižka jeromonacha Josafata V. Timkoviča, ČSVV – Dejiny baziliánskeho monastyra v Krásnobrode od 9. storočia po súčasnosť, Košice, 2009, 585 storinok.
 

V knižci vydrukovanij na reprezentačnim krejdovim paperi avtor opisuje istoriju Krasnobridskoho vasilijanskoho monastyrja od najstaršych časiv 9. storoča až po su­časnisť. Opisuje ťažkyj žyvot Rusiniv pid grofami Drugetami i latinskyma jezuitami posobjacimi deštruktivno na teritoriju Humenskoho panstva ne lem v 17. storoču ale i teperj na počatku 21. storoča.
 
Hlboka symbolika na obalky knižky: medviď (Rusyny) i Druget (latiňsky u­tlačovateli)
Znazorniňja na titulnoj strani knižky zobrazujet legendarnyj boj grofa Drugeta z medviďom. Legenda je opublikovana v tojto knižci o Krasnobrodskym monastyrju. Tot obrazok symbolicky vystihujet i holovnu dumku ciloj novopublikovanoj istoričnoj knižky: knižka zobrazujet heroičnyj boj Rusyniv (jich symbolom je karpatskyj červenyj medviď) z latinskyma utlačovateľmi: grofami a jezuitami (v legendi: šľachtic Druget). V legendi viťazit karpatskyj medviď (Rusyny), v cilij publikovanij knižci, jak sja zdast, je tomu naopak i viťazit grof Druget (latinsky jezuity).
 
Knižka byla vydrukovana v očakavaňu istoričnoho stretnuťa mos­kovskoho pravoslavnoho patriarchu Kyrilla z papom rimskym Venediktom XVI, kotre sja malo uzkutočniti v oktobru toho roku (2009) v Baku v Azerbajdžani. Išči v marcu 2009 avtor novopublikovanu knižku poslav spolu zo sprjevodnym listom pisanim po anglicky papovi rimskomu i devjatna­caťom pravoslavnym patriarchom svita midži kotryma byla i holova pravo­slavnij Cerkvi v Českych zemľach i na Sloveňsku Joho Preosvjaščenstvo Mitropolit Kryštof. V listi byla rekapitulacija istoričnoj knižky o Krasnobrodskym monastyrju – že rimokatoliky latinizovali rusyňskych grekokatolikiv nelem v minulosti, ale jich latinizujuť i dnes. Stritnuťa papy rimskoho Venedikta XVI. i Kyrila – patriarchu Moskvy i ciloj Rusi sja nakonec i ďakuvati tojto knižke ne uzkutočnilo…
 
Knižku sobi mož objidnati za 30 € (na dobierku 35€) u jij avtora na adresi:

Vladi­mír Timkovič, Štefanikova č. 11, Košice, 040 01 

telefon: 00421-905496778.
o. Josafat Vladimir Timkovič, ČSVV, Košyci
email: jvtosbm@yahoo.com