Dzeň macerinskoho jazika

У Сербиї 30 меншини пестую свой язик
Вчера и у нашей жеми означени Медзинародни дзень мацеринского язика, хтори означую членїци Орґанизациї Зєдинєних нацийох за образованє, науку и културу УНЕСКО, з цильом промоциї язичней култури и вецейязичносци. Як оценюю фаховци, каждодньово у швеце нєстанє по єден язик, а линґвисти проґнозую же од коло 6 тисячи язики на швеце, до конца того вику щезнє вецей як половка.

Найвецей загрожени язики з малим числом особох хтори го бешедую, як и язики малих заєднїцох хтори нє цивилизовани по заходних стандардох и нє маю институциї. Сербия Европску повелю о реґионалних и меншинских язикох ратификовала 2006. року, а як оценєли державни функционере, меншински язики у Сербиї нє загрожени и нє щезню, як цо то случаю у других часцох Европи и швета.

У Сербиї єст вецей як 30 меншински заєднїци, хтори пестую свой мацерински язик.

Означени Дзень мацеринского язика
Медзинародни дзень  мацеринского язика, 21. фебруар, вчаре означени и у Основней и штреднєй школи “Петро Кузмяк” у Руским Керестуре. З тей нагоди у голу Школи направена вистава найлєпших писмених роботох школярох, я тему “Красота мацеринского язика”, а о означованю того дня бешедоване на годзини руского язика у шицких класох.

Медзинародни дзень мацеринского язика означа и школяре котри факултативно пестую руски язик з елементами националней култури у ОШ “Велько Влахович” у Крущичу.

Як гварела їх наставнїца Соня Дюрко Надь, тот дзень означа на штварток, 23. фебруара, понеже теди маю порядну годзину.

(конєц) маф