Dzešecročňica Združeňa i Dzeň Rusnacoch Rumuňiji

 

Дзешецрочнїца Здруженя и Дзень Руснацох Румуниї
 

У Румуниї, у месце Дева, того викенду будзе означена 10-рочнїца снованя Културного здруженя Русинох Румуниї.  На означованє тей значней рочнїци, понеже представя и одредзени препород Русинох у тей держави, поволани представителє РРЛ зоз жемох котри творя Шветови конґрес, як и члени Шветовей ради РРЛ.
  

Означованю ювилею Руснох у Румуниї, од 3. по 5. септембер, буду присуствовац и предсидатель Шветовей ради и Рускей матки Дюра Папуґа, як и член Управного одбору РМ Мирослав Силадї.
 

У рамикох означованя ювилею, 4. септембра там по першираз будзе означени Дзень Русинох, а на основи скорейших заключеньох Шветовей ради Руснацох/Русинох/Лемкох, же би ше у шицких державох - членїцох Шветового конґреса РРЛ означовало Дзень Руснацох.
На чолє Културного здруженя Русинох Румуниї Ґеорґий Фирцак, иншак и посланїк у румунским парламенту, як и член Шветовей Ради РРЛ, а ювилей Здруженя и Дзень Русинох у Румуниї будзе означени зоз Шветочну схадзку Здруженя и пригоднима културнима змистами.
 

-зам-