Formulary vypolnylo 5609 Rusnakiv

НАЦИОНАЛНИ СОВИТ - УПИСОВАНЄ ДО ОВС
Формулари виполнєли 5 609 Руснаци
Спрам податкох з нашого Националного совиту, по 12. фебруар вимоги-формулари за уписованє до Окремного виберанкового списку (ОВС) виполнєли 5 609 Руснаци, од потребних 6 363.

 Єдна часц тих виполнєтих формуларох прейґ рижних акцийох и поєдинєчно, уж и обробена у општинских управох, медзитим, найвекша часц формуларох ище вше на чеканю на обробок и уписованє до ОВС.

 Найвецей виполнєти формулари єст у општини Кула - 2 775, дзе у Руским Керестуре то 2 607 формулари, медзитим, у цеку и виправянє формуларох, понеже у запровадзених акцийох, єдна менша часц и погришно виполнєта.

 У општини Вербас Руснаци виполнєли 1 416 вимоги-формулари, дзе найвецей у Коцуре, 1 186 виполнєти вимоги-формулари.

 У опшптини Жабель за нашу меншину уж унєшени 445 формулари, а вєдно виполнєти 526 формулари, у Суботици виполнєти 86 формулари - найвецей праве прейґ тамтейшей Подрученей канцелариї Националного совиту; у општини Бачка Тополя виполнєти 234 формулари, дзе у Новим Орахове то 163.

 У општини Шид випонєти 333 вимоги-формулари за уписованє Руснацох до ОВС, дзе у Бачинцох 143, а у Бикичу 110 Руснацох.

 У Новим Садзе по 12. фебруар ше розполагало з податком же 275 Руснаци виполнєли вимоги-форулари до ОВС, дзе 190 у Подручней канцелариї НС, односно новосадским РКПД.

 Акция на уписованю од хижи до хижи до тераз окончованя у Ґосподїнцох, Бикичу, Бачинцох, Бачкей Тополї, Руским Керестуре, Коцуре, з часци и у Дюрдьове, Новим Орахове, та и Новим Садзе, того тижня ма буц интензивована, а значне число припаднїкох нашей меншини уписане и у подручних канцеларийох Националного совиту, односно у наших КУД.

 (конєц) зам