Gréckokatolíci v Kocure slávia podľa juliánskeho kalendára

Коцурци святочно преславели крачунски швета

Коцурски грекокатолїки святочно преславели крачунски швета по юлиянским календаре. Швета почали зоз Крачунским саночним хторе служене на вилїю, стреду вечар, на 23 годзин.

На саму Вилїю, и попри дижджу, числени Коцурци, окреме млади, ходзели по шпиваню. У Коцуре було даскельо ґрупи хтори по шпиваню ходзели зоз бетлегемом.

После вецей рокох, по коцурских обисцох ходзела и ґрупа зоз характеристичну гвизду и зоз окремним маскираньом преношели вистку о народзеню спасителя. По шпиваню на вилїю вечар ходзели и гудаци и Мадярска шпивацка ґрупа КУД Жатва хтори домашнїм шпивали крачунски шпиванки.

Шицки три днї крачунских шветох у коцурскей грекокатолїцкей церкви служени по Ранша, Велька и Вечарша служба Божа, а другого дня Крачуна, у шицких службох було мированє.

(конєц) цики