Grupa "Krejzi kazans" hoscovala u Svidňiku

 

Керестурска панк-рок ґрупа “Крейзи казанс” и того року наступела на Фестивалє “Днї Свиднїку” у истоменим месце у Словацкей, хтори отримани од 6. по 8. юлий.
 

Першого вечара Фестивалу публика у Свиднїку мала нагоду послухац “Братнякох” з Руского Керестура, хтори на площи городу мали єдногодзинови наступ, на хторим одграли 16 нумери на анґлийским и руским язику.  Публики у Свиднїку керестурски млади музичаре премиєрно представели и свойо три найновши композициї, як и нашо народни шпиванки „Фуяра, фуяра”, „Чия то заградка” и други, обробени и актуализовани до панк-рок стилу.  На рок-концерту у центре Свиднїку, попри “Казансох” наступели и други музични ґрупи зоз Словацкей, медзи нїма и барз популарни состав “Ґладиятор”.
 

З делеґацию з Войводини, у хторей були и представителє Союзу Руснацох Українцох Сербиї, стретнул ше и городоначалнїк Свиднїку Ян Голодняк. Крем городских власцох Свиднїку, госцованє младого керестурского составу у Словацкей оможлївел и Союз Руснацох Українцох Сербиї.
 

После наступох у Керестуре и других фестивалох у Войводини, “Крейзи казанс” концом лєта ознова путую до Словацкей, дзе буду участвовац на рок -концерту у Бардейове, под час отримованя тамтейшого Сайму.
 

раз