Hoscovaňa delegaciji zos Svidniku u Verbase

Програма у КПД „Карпати” з нагоди доставаня Награди Општини Вербас

З нагоди доставаня Награди Општини Вербас и госцованя делеґациї зоз Свиднїку у Вербаше, КПД „Карпати” у своїх внєдзелю вечар орґанизовало пригодну шветочносц з кратшу програму.

Госцох привитали предсидатель Дружтва Ярослав Комбиль и подпредсидателька Нада Лендєр, а медзи нїма була и народна посланїца Олена Папуґа и представителє Општини Вербас, на чолє з предсидательом др Жельком Видовичом.   Тиж так, домашнї привитали и делеґацию зоз Свиднїку, на чолє з городоначалнїком Яном Голодняком, з хторим у Вербаше були и Владимир Шандала и Станислав Фек.

Комбиль и Лендєрова з тей нагоди визначели же за таке значне припознанє, як цо то Награда Општини Вербас, заслужни шицки котри на було яки способ участвовали у роботи вербаского дружтва и на тим им щиро подзековали.  У програми участвовала дзецинска фолклорна ґрупа, под руководством хореоґрафки Ирени Скубан, як и оркестри „Старовербаски гудаци” и КПД „Карпати”, соло-шпиваче Боян Великинац и Янко Сеґеди, та дует Славко Микитишин и Филип Пронек.

Под час друженя, предсидатель Општини др Желько Видович, городоначалнїк Свиднїку Ян Голодняк и представителє КПД „Карпати” єдни другима уручели и пригодни дарунки, а публики представена и Награда Општини Вербас.

(конєц) пан