I Rusnaci kandidati do parlamentu Horvatskej

И Руснаци кандидати за Собор
На виберанкох за Собор Републики Горватскей и двоме Руснаци - Звонко Костелник и Михал Шайтош.

Звонка Костелника, терашнього окончователя длужносци секретара Союзу Русинох и Українцох Горватскей и члена Совиту за национални меншини РГ, як кандидата на виберанкох за парламент предложело КУД “Яким Гарди” з Петровцох.

Михала Мию Шайтоша за Собор предложела Горватска селянска странка, а тераз є заменїк началнїка Општини Стари Янковци.

Парламентарни виберанки за заступнїкох у Соборе, у Горватскей буду отримани 4. децембра. Спрам Уставного закона, подруче Горватскей подзелєне на 11 виберанково єдинки, и 12., дзе кандидати националних меншинох.

Числено векши меншини, як цо то сербска, италиянска и мадярска, сами предкладаю своїх кандидатох, а числено менши, як руска, ромска, болгарска, нємецка, русийска, українска и други (вєдно 12), вибераю лєм єдного заступнїка.

Кажда национална меншина може предложиц нєогранїчене число кандидатох, а до Собору будзе вибрани кандидат хтори достанє найвецей гласи у тей, Дванастей виберанковей єдинки.

Пре факт же Руснаци мали вецей кандидатох, на прешлих виберанкох їх гласи ше розошали и нє мали свойого заступнїка.

Кандидати Костелник и Шайтош, по виберанки нащивя нашо места дзе жительом презентую свойо програми, з цильом прицагованя цо векшого числа гласачох.

(конєц) дюлї