II. Svjatyj večur u Braťislavi

V ponediľok 18.januara soj vecej jak 110 ľudi, holovňi molodych Rusyňiv,  prypomjanulo pri spoločňi večeri svjato Bohajavleňija podľa julijanskoho kalendarja.
 
V uvodňim pryhovori Mychal Šteňo, predseda Združiňa inteligenciji Rusyňiv Sloveňska zaspomynal na tradiciji, jaky sja dotrymuvali  v joho rodňim seli u Klenovoj.  Vyzval molodych ludi, že by na svoje ne zabavyli. “Toty što po odchoďi z rodnoho kraja chotili čim skorej zabyti chto sut, nič vekšoho ne dokazali.  Može bym mih povisti, že veľo z tych, što ša zrikli  svojoj  identity,  stratylo aj profesionalňi…” povil pan Šteňo.
 
Po spoločňi molytvi “Otče naš” i  prypytku už mohli, učastnyky večera, tak jak sja na svjatyj večur patryt, okoštuvati  narychtuvany stručky častku, siľ, mid i oplatky. Potim nasliduvala hrybova mačanka, kotru navaryla Beata Lypyňska z podaruvanych hrybiv od Petra Solanyča.  Koločanov fasoľov sja zajs pochvalyla Božena Zahorcova.  Na konec sja koštuvali tatarčany pyrohy povneny kvasnov kapustov abo bandurkami. Toty rychtuvalo i varylo 15 molodych ľudi, vekšynu z nych najdete na “kolektivni fotci”. V prijemňi svjatočňi atmosferi večera kolo pohara vyna vytrymali hosťi do piznoho večera.
 
II. Svajytj večer sa uskutočnyl v kultivovanych prostorach Kongresovoj saly Hotela Doprastavu  a zorganizovali ho Združiňa inteligenciji Rusyňiv Sloveňska a molody.Rusyny. Fotky z akciji najdete vo fotogaleriji - http://www.rusyn.sk/index.php?ID=4412&l=sk.
 
-lj-