Julijanskij kalendar zas v ciľij Pravoslavňij Cerkvy v Poľščy

 
Юлияйньскій календар зас в цілій Православній Церкви в Польщы
  
Од остатньой неділі - 15. червця 2014 р. (т.є. Неділя Вшыткых Святых) - рішыньом Св. Собору Єпископів Польской Автокефальной Православной Церкви (ПАПЦ), в цілій Польщы обовязує лем єден літургічний календар - юлияньскій, званий тіж старым стильом. Стало ся так по просьбах вірных і з причыны факту, же 96% парафій ПАПЦ хоснує юлияньскій календар. Тепер, вшыткы православны в Польщы будут святкувати напр. Різдво Христове о єдным часі, т.є. 7-9. січня за офіцияльным державным календарьом.

Новий стиль, як называний єст григорияньскій календар, был введений соборовым рішыньом з дн. 12. квітня 1924 рока, на початку процесу признаваня ПАПЦ автокефалиі з Константинопольского Патріархату. Хоснуваний был в більшости містецкыма парафіями центральной і західньой Польщы.

Як чытаме в комунікаті канцеляриі Св. Собору Єпископів з дн. 19. марця 2014 р., там, де необхідне, мож іщы хоснувати григорияньскій календар.

дт

Zdroj: http://lem.fm/lem/news/julyjajnskij_kalendar_zas_v_cilij_pravos,619