Karpato-rusyňske konzorcium Severnoj Ameryky

Карпато-русинськый Консорціум Сіверної Аме­рики

Карпато-русинські організації Сіверної Аме­рики 31.октовбра 2009 рока основали Консорціум на учредителному засіданіи у Мінеаполісі (Сас­катун). Состоялася коаліція шести Карпато-Русинських Обществ из Споєных Штатув Америки и Канады, котрі ся обьєдинили у нову общественну асоціацію из цільов укріпленія сотрудничества и майліпшои координаціи, майефективної діятельности у вопросах своїх організацій и можности выступати от имени Карпато-русинув Америки у европейськых державах, из котрых они походять. Консорціум такой буде представляти Сіверо-Американськых Карпато-русинув у Світовуй Раді Русинув (Руснакув) Лемкув и на Світовому Конгресі Русинув.
 
У Консорціум войшли: Карпато-Русинськый Центр Изглядовань (Нью-Йорк), Карпато-Русинськоє Общество (Пітсбург, Пенсільванія), Русинськоє Общество (Мінеаполіс, Мінесота), Русинськоє Общество Сі­верної Америки (Кіченер, Онтаріо), Русин-Саскачеванське Общество Русинської Културы (Саскатаун, Саскачеван) и Світова Академія Русинськой Културы (Торонто, Онтаріо).
 
Консорціум має двох председателей: єден от США, другый от Канады. Карен Варіан -председателька Русинського Общества, выбрана за председу от США, а Любомір Медєші, секретарь Саскачеванського Общества Русинської Културы - за председу от Канады. „Карпато-русинські організаціи Сіверної Америки доросли до такого ступня, же вшыткі наші організаціи можуть координовати свою активность у такый способ, же бы достигли найбулший ефект", - уповіла Карен Вариан. Любомір Медєші уповів: „Сіверно-Американські русины идуть слідом способа сполупраци, котрый   добре   послужив   організаціям   наших сонародникув у землях нашого походженя".
 
На учредителному собраніи 31 октовбра 2009 рока Консорціум вызначив приорітеты активности, котрі треба запровадити, и межи нима слідующі: Утвердити и опреділити День Русинув у США и Канаді.
 
Сполупрацовати из америцьким бюро списованя жительства и статистики Канады, обы Карпато-Русинська національность (поход­женя) была правильно вызначена у слідующому переписі жительства, и резултаты його были обьявлені.
 
Держати дале уже начатый контакт из амбасадами Европської Уніи у тых державах, де жиють русины у Вашингтоні и Оттаві. Держати контакт из канце-ларіями панського нунція у США
и Канаді у цілях остановити насилну деонаціоналізацію русинув у греко-католичеськых церквах Словакіи и Украйини.
 
Карпато-Русины - словянськый   народ   по походженю из регіона Карпатськых гор Восточно-Центральної Европы. Послі Другої Світової войны їх етнічна територія роздільно входить у многі державы:  Словакія,  Украйина,  Польша,  Мадяр-щина,  Румунія,  они живуть у Чехіи,  Горватіи, Сербіи, Канаді и США. Пиля 1 -2 міліона русинув жиє у Европі. У Споєных Штатах Америки є пиля 700.000 людей карпато-русинського походженя, а у Канаді пиля 20.000.
 
Інформаціонна служба Консорціума
Адаптовав др. Степан Лявинец