KARPATSKI RUSINI - JEDEN NEROZDZEĽIVI NAROD

КАРПАТСКИ РУСИНИ - ЄДЕН НЄРОЗДЗЕЛЇВИ НАРОД

ОТРИМАНЕ ШТВАРТЕ ИНТЕРРЕҐИОНАЛНЕ СТРЕТНУЦЕ РУСИНОХ НА ГОРИ КРЕМЕНЄЦ - 2011.
На гори Кременєц, на тромедї Словацкей, Польскей и Подкарпатя у України, соботу и внєдзелю, 16. и 17. юлия 2011. року отримане Штварте интерреґионалне стретнуце Русинох под назву “Кременєц 2011”. Стретнуце Русинох  отримане у орґанизациї Шветового конґреса Русинох вєдно зоз Шветовим форумом русинскей младежи, а того року на "Кременцу" участвовали вецей як 200 учашнїки. На верху гори Кременєц ше сходза хотари историйних карпаторусинских реґионох - Прешовскей Руси, Лемковини и Подкарпатскей Руси, так же од початку орґанизованя тих стретнуцох, їх мото “Карпатски Русини - єден нєроздзелїви народ”.
 
На верху гори Кременєц, на 1.221 метри надморскей висини, у програмох стретнуца участвовали млади и други зоз жемох - членїцох Шветового конґреса Русинох и Шветового форуму русинскей младежи - зоз  Словацкей, Подкарпатя у України, Сербиї и Сиверней Америки. Були позвани, алє нє допутовали на тогорочне стретнуце делеґациї Русинох зоз Польскей, Мадярскей и Ческей. После шпиванки "Червена ружа трояка" урядовей гимни стретнуца Русинох на Кременцу, спред технїчних орґанизаторох стретнуца, шицких присутних привитали Силвия Лисинова, в мену Секретарияту Русинскей оброди на Словенску и Петро Крайняк, мл. в мену Прешовского самоуправного краю. Зоз привитнима словами и потримовку заєднїцких акцийох Русинох присутних поздравели и Дюра Папуґа, предсидатель Шветовей ради Русинох/ Руснацох/ Лемкох, Микола Бобинец, подпредсидатель Шветовей ради РРЛ и Славомир Гиряк, член ШР РРЛ, як и Валерий Падяк, предсидатель Закарпатского обласного благодїйного фонда "Русинска школа".
 
Културно-уметнїцку часц програми реализовал Музично-фолклорни ансамбл "Шариш" при ЗУШ "М. Мойзеса" у Прешове, хтори предводзел др. музичней уметносци Милан Ґарбера. Учашнїки Штвартого интерреґионалного стретнуца Русинох на гори Кременєц – 2011. року до окремного металного куфрика одложели прикладни дарунки за будуци ґенерациї Русинох/ Руснацох/ Лемкох . До куфрика одложена и груда чарней бачванскей жеми у глїняней кантички за млєко, прикрита зоз коноповим плаценкох, вишивани ручнїк у хторим була окруцена фляшка бачванскей шлївковей палєночки, як и дарунки Форума младих Рускей матки. Так само і други члени участвованых делеґації положыли памятны предметы як одказ будучім ґенераціям i cкриньку в ночі закопали на незнаме місце в лесу.
 
По законченю стретнуца Русинох на гори Кременєц, внєдзелє пополадню, 17. юлия 2011. року, учашнїки тогорочней акциї були госци на 5. Фестивалу русинскей шпиванки под Кременцом у селі Нова Седлица. До пытомных участників фестивалу ся прыговорив Владимір Противняк, председа РОС і тайомник СРР і передав поздравліня участників выступу на гору Кременец.
 
На Стретнуце на гори Кременєц 2011. участвовала и делеґация Руснацох зоз Сербиї, котру творели предсидатель Рускей матки (РМ) и Шветовей ради РРЛ Дюра Папуґа, предсидателька Форума младих РМ и подпредсидателька Шветового форуму русинскей младежи Биляна Дудаш, предсидателька Асоцияциї русинских новинарох Єлена Перкович, як и член РМ з Вербасу Владимир Бильня. Делеґация Руснацох зоз Сербиї була змесцена у домашнього Янка Маґуру, зоз Гуменого, популарного композитора и шпивача "Трія Маґура" і за погосціносц йому патри нашо подзекованье.
 

Через двасто участників декларовало свойов активитов же  „Карпатскы Русины йеден нерозділный народ“ - сердечна вдяка Вам участникы.
 
pа/пр.