Kečera dobila serdca rodakyv žijucich v USA

 

Folkloryj ansabeľ Kečera z rusnackoho sela Jakubjany ša predstavil v Americi vďaka vyraznoj finančnoj podpory Obecnoho urjadu Jakubjany. Po dovhyj a intenzivnyj pripraví, kotra trvala od začatku roka 2014 byli pripraveny členove suboru reprezentovaty nelem svoje ridne selo, ale takisto i krajinu. Na najlipšy vykony ich pripravovala choreografka Eva Fáberová i veducyj molodežnickoj Marek Guzlej.

 

Osemnasťčlenna posadka, pozostavajuča zo štrnastich molodežnikyv a 4 členyv dospelackoj skupiny ša vydala 17. septembra, za "veliku mlaku". Dovjedna absolvovali devjať vystupiňi počas devjatich dnyv v  štatoch Pensylvania, Ohio i New Jersey. Každé jedno bylo v inakšym misti: Johnstown. Cleveland. Pittsburgh. Minersville, Harrisburg, Washington D.C., Linden Highstown and Holmdel. 

 

Každe jedno vystupiňa bylo emotivne nelem pro divakyv, ale i pro suboristyv. Po predstaviňoch ich oslovovali ľude, kotry sobi podľa svojich prijmenok i prijmenok svojich predkyv hledali pribuznych. Pro dvoch z nich v Linden a Highstown ša konali i zabavy, kotryma hostyv sprevadžala Hudobná skupina Domino z Jakubjan. Po ich poslednym vystupiňu na Slovenským festivali ša jediny reprezentanty Slovenskoj republiky stritli aj s prezidentom Andrejom Kiskom a s ministrom zahraničných veci Miroslavom Lajčakom.

 

Folklorna skupina ša prezentuje autentickym folklorom a svojim divakym ho vše predvede v što najpodobnišych scenach. Na podiu sa ľude mohli priziraty na zmany časti z Jakubjanskoho vešiľa: Braťa vjinca i Čepčyňa. Posmotrili i na Kstiny, Jansky ohni, Hory. Dalej vkazali i Terťa lenu, Ondrejovsky zvyky, Praňa na potoku i Špivanky z rodnoho sela. Za toto pre nich byl najvekšom odpoviďom i vďakom potlesk, ale i slzy radosty a dojaťa.

 

Popri povinnosťach stihli členove folklornoho ansamblu Kečera i kupa toho vidity. Peršyma zastavkami byl pohľad z verchu na cilyj Pittsburgh. V cerkvi v Johnstown dostali Jakubjanci požehnaňa pred peršym vystúpi ňom. Zučastnili ša i staroslovjanskoj služby služby Božoj v Pittsburgu. Možut ša pochvalily i tym, že byli na Slovenskyj ambasadi vo Washington D.C.. de iši vidili The Washington monument, White House a absolvovali exkurziu po The Capitol. Okrem toho, byli v New Yorku, Manhattan, de vidili i Times Square, Wall Street, absolvuvali plavbou na lodi, Sochu Slobody - Statue of Liberty a takisto Brooklyn. Najvekšym dobrodružstvom pre nich bylo si zašpivaty i zatancovaty priamo pri najznamišych vodopadoch švita - Niagara falls. Domu ša ščastlivo verli četvertoho oktobra podvečur.

 

Zo ščiroho serdca ša chcut folklorysty podakovaty Hanky Sherry-Dzadikovoj, rodačci zo sela Litmanova i Mary Ann Sivakovyj, kotra pochodit z Jakubjan, za pozvaňa a za šytko što pre nich spravili od vybavovala tych najpotribnišych záležitosti, až po každú jedinú maličkosť kotru pre nich bez vahaňa ochotni spravili. Takisto ďakyjut šytkym ostatnym rodakym z "Kraju“, jak tam oni hvarat v USA, kotry nam chocjakym sposobom pomohli. Len vďaka Vam majut krasny spomienky...

 

Autor: Bc. Lucia Pribišová