Kocur, Ďurďov - Duchovni život

У Коцуре, знагоди Св.Миколай подзелєни 300 пакецики
Пияток вечар у коцурскей грекокатолїцкей церкви, дзеци зоз шпиванками и писньочками  означели швето Св. отца Миколая.

З тей нагоди дзецом подзелєни 300 пакецики а медзи нїма були и дзеци зоз коцурского Здруженя за ментално нєдостаточно розвити особи. 

Вирни ше мировали у шицких службох Божицх
Коцурска грекокатолїцка парохия, соботу 19. децембра, по юлиянским календаре, преславела дзень святого отца Миколая.

Того дня три служби Божи служели коцурски паноцове, парох о. Владислав Рац, капелан о. Алексий Гудак и о. др. Яков Кулич хтори службує у Риме. У шицких трох службох Божих, вирни Коцурци ше и мировали.
 

Наймладши Дюрдьовчанє достали пакецики
У Дюрдьовскей церкви “Рождества пресвятей Богородици” пияток наймладшим подзелєни 120 пакецики за Миколая.

Службу Божу служели парох о. Йоаким Холошняй и капелан Михаил Холошняй, а у казанї парох Холошняй гварел же ше треба модлїц за таку християнску свидомосц яку мал святи отец Миколай и же би ше вирни скодзели у святим храме и на тот способ потвердзели любов ґу Богу и каждому чловекови, як и ближньому.

ад; цики