Kocurci na nedzeľi idu do Mučoňu

Коцурци на нєдзелю иду до Мучоню

Представителє здруженьох гражданох и институцийох зоз Коцура и Вербасу на нєдзелю, 5. авґуста, пойду до Мадярскей до Мучоню, места зоз хторого ше 1763. року Руснаци приселєли до Коцура. 

Коцурци поволани на преславу Дня Мучоня. Святочна служба Божа будзе служена у Мучоньскей Грекокатолїцкей церкви, а служиц ю буду мучоньски парох о. Петер Поляк и коцурски парох о. Владислав Рац. 

Окрем зоз службу Божу, преслава Дня Мучоня ше отрима и у Ювилейним парку и у мучоньским културним доме “Петефи Шандор”, дзе фолклорно - музични ансамбл КУД “Жатва” да концерт.

Госцованє Коцурцох у Мучоню ма за циль обновиц сотруднїцство тих двох валалох, хторе започате концом осемдзешатих рокох прешлого вику, алє є пре войну на просторох бувшей Югославиї претаргнуте.

Идуцого року ше напольня  250 роки як ше Руснаци приселєли до Коцура. На дзень преслави того велького ювилею, представителє Мучоню би требали буц госци Коцурцом.

Коцурци ше зоз Мучоню враца на пондзелок.

(конєц) цики