Koncert Dimitrija Capa u Ambasadi Serbiji

 

Концерт Димитрия Цапа у Амбасади Сербиї

 

БРАТИСЛАВА (СЛОВАЦКА) – На особну поволанку амбасадора Републики Сербиї у Братислави Шания Дермакуа, наш млади ґитариста Димитрий Цап вовторок, 31. мая, отримал солистични концерт у просторийох Амбасади у главним городзе Словацкей.

 

Концерт отримани у присустве амбасадора и його сотруднїкох, а провадзело го и вельке число Братиславчаньох, медзи котрима були и велї визначни особи з културного и явного живота Словацкей и Сербиї.

 

Концерт мастера ґитари Димитрия Цапа орґанизовани з нагоди законченя його специялистичних студийох на Музичней академиї (ВШМУ) у Братислави, у класи професора Йозефа Жапки. Бул то його други концерт у тей сезони, з хторим ше успишно представел як фаховей, так и ширшей публики, тераз и у Братислави.

 

На програми були дїла за ґитару Мерца, Диенса, Тадича, Реґондия и Бариоза, котри вибрал сам уметнїк пре музични, технїчни и естетски аспект тих дїлох, а публика барз добре реаґовала и з моцнима аплаузами потримала уметнїка, та вон виходзел и на бис.

 

(На фотоґрафиї Димитрий Цап (цалком на право) зоз (з лїва на право) другим секретаром Амбасади Сербиї у Братислави Милошом Шошкичом, мр гармоники Николом Кизичом и амбасадором Сербиї у Братислави Шанийом Дермакуом).