Kračun z ohňometom

 

Крачун з огньометом

МИКЛОШЕВЦИ (ГОРВАТСКА) - У Грекокатолїцкей церкви Рождества Пресвятей Дїви Мариї, миклошевски вирни шветочно преславели Перши дзень Крачуна зоз Службу Божу, хтору служел о. Яким Симунович, декан сримски и парох миклошевски.

З традицийну винчованку „Христос раждаєтся“, о. Яким Симунович у власне и у мено членох Церковного одбору, винчовал шицким вельке швето. З тей нагоди пречитал Крачунску винчованку кир Николи Кекича, Владики Крижевского, у хторей владика здогадує и же того року означени и вельки ювилей - 400 роки церковного заєднїцтва з Римским духовним столом.

Саночне служене 24. децембра на 23 г., на хторим о. Симунович пошвецел пейц хлєби и проскурки, хтора ше будзе дзелїц Трецого дня Крачуна, з нагоди мированя.

По Саночним, Женска шпивацка ґрупа КУД „Яким Ґовля“ одшпивала вецей коляди, а потим опрез церкви бул огньомет, цо уж постал традицийни способ преславяня Крачуна у Миклошевцох.

(конєц) клї