Kudzej napopularňejši rusinsky pisateľ

Добитнїк тогорочней Награди за литературу на русинским язику "Александер Духнович" Осиф Кудзей з Няґова, зоз Словацкей, того лєта достал ище два високи припознаня за свою творчосц.  Осиф Кудзей тогорочни добитнїк и награди Литературного фонду з Братислави, котри додзелює и награду за литературу на русинским язику, под назву "Александер".

Тоту високу награду штредком юния Кудзей достал за два збирки своїх писньох - "Писньочки-забавочки" (2008) и "Поетово думи" (2009).  На тогорочней Литературней манифестациї "Духновичов Прешов", котра отримана тиж у юнию, а на хторей ше змагаю дзеци и млади з власну литературну творчосцу, сами учашнїки Осифа Кудзея преглашели за найпопуларнєйшого русинского писателя у Словацкей.
 

Коло 60 одсто учашнїкох того змаганя рецитовали твори Осифа Кудзея, а после тайного гласаня, вибрали го и за найпопуларнєйшого писателя. Вибор найпопуларнєйшого русинского писателя у Словацкей окончени по першираз, а номиновани були и Микола Ксеняк, Мария Мальцовска, Штефан Смолей и Штефан Сухи.
 

азо/зам