Kume budete nam chybuvati...

Все быв оптімістом‚ все дашто крітізував‚ все ся рад посміяв і розосміяв людей нелем як Кум Дыня в релації Бісіда кумів‚ але і як народный розповідач на різных фестівалах‚ меджі камаратми на шпортовых акціях‚ до послідніх років свого жывота грав пінґ-понґ і все быв меджі першыма‚ быв меджі людми і втоды як ”вепеенка” орґанізувала мітінґы на намістях Пряшова за нову демокрацію в 1989-ім році.

У великій мірі Миколай Ляш ся інтересував о русиньскы діла‚ быв єдным з председів Русиньской оброды на Словеньску . Быв то Русин і признавав ся ку тому отворено і втоды‚ кідь то іші не было актуалне. Многы го не знали порозуміти‚ бо не знали найти одвагу стати на тот бік‚ де была правда‚ бояли ся. Порозуміли пізніше‚ же быти Русином не є то одвага‚ але правда.

Найчастіше сме го чули в радію як Кума Дыню‚ в тій релації‚ котра все звучала по русиньскы бісідував найдовше зо вшыткых‚ а релація звучіть з радія уж выше 50 років.

Тяжко собі представити в релації когось другого. Но жывот іде далше‚ каждый є оріґіналный‚ нихто никого не замінить‚ все то буде хтось іншый. Каждый одношать зо собов на другый світ не куфры зо златом‚ але своє душевне богатство‚ а тото вєдно з Ляшовым вічным оптімізмом нам буде барз хыбувати.

Русиньска оброда на Словеньку холем такым способом‚ бо нихто не знать‚ хто коли піде до вічности‚ дякує Миколайові Ляшові за підпору‚ поміч і добры порады на хосен орґанізації і вшыткых Русинів.

Най му буде наша карпатьска земля легка і память меджі людми чім довша.

Вічная память єму!

Русиньска оброда на Словеньску і єй членове.

В Пряшові 10-го апріля 2008-го року