Legnica, Poľsko. 25 Rokiv Lemkivskoho Ansambľu Pis’ni i Tanc’a Kŷčera

Legnica, Poľsko. 25 Rokiv Lemkivskoho Ansambľu Pis’ni i Tanc’a Kŷčera

Kŷčera prosyt na svij juvilej

Od ponediľka 22 žovtňa v Lignyci bude prochodyl najbiľšyj kuľturovyj lemkivskij program v Poľščŷ pid nazvom Kŷčer’ada nad Kačavom. Je to podija zvjazana z juvilejom Lemkivskoho Ansambľu Pis’ni i Tanc’a Kŷčera jakij teper svjatkuje 25 rokiv od osnuvaňa. 

Kuľturovŷ toržestva budut proxodŷly preťahom ciloho tŷžňa v Lignyci na Nyžnym Šlesku de Ansambľ Kŷčera maje svoju holovnu sadŷbu. 

Lemkŷ našly s’a na Nyžnŷm Šlesku čerez prymusove vŷhnaňa z ridnŷch Karpat poľskom vladom pered 70 rokamŷ v operacyi pid krŷptonimom Visla. Program tŷch toržestv vkazuje, že Lemkŷ choc rozporošenŷ i v ďiaspori, zavďakŷ Ansambľu Kŷčera i joho osnovateľa, i vedučoho Jurka Staryňskoho znajut kras’ni i hidni pidtrymuvaty svoju kuľturu i ne dalŷ s’a asymiľuvaty. 

V programi Kŷčera zrychtuvala podiji praktŷči dľa každoho ne zaležni od joho viku i artŷstŷčnych upodobaň. Budut to vŷsokŷ, poetŷčnŷ vŷstupliňa, projekcyja retrospekcŷjnoho fiľmu jakij zrychtuvala Kŷčera, koncertŷ samoj Kŷčerŷ jak i modernŷch lemkivskŷch grup. 

A dokladnijše to bude tak: 
V ponedilok 22 žovtňa 2018 rozpočne s’a Kŷčeriada nad Kačovom tz. Vehikulom Času. Je to innovacyjna vŷstava jaka maje vkazaty žŷťa Lemkiv pered vŷseliňom v 1947. 

Po vŷstavi odbude s’a avtorska striča z lemkivskŷm narodnŷm poetom Petrom Murjankom. 

Vitorok 23 žovtňa o 18 hodyni premjera fiľmu zrealizuvanoho Ansambľom Kŷčera - Hŷn žŷlysme napravdu jak v Raju. Po fiľmi odbude s’a debata Vtračena Arkadyja faktŷ i mifŷ. 

24 žovťňa Lemko v Operi. To koncert z udilom lemkivkŷch operovŷch s’pivakiv i s’pivačok z lemkivskŷm repertuarom. M.in. Bogumila Tarasjevyč - mezosopran i Julyjan Tatarynovyč fortepjan, Julyja Došna i Antoni Pilch, Daryja Kuz’ak - kompozŷcyja v vŷkonaňu smŷčkovoho kvartetu Muzŷčnoj Akademii z Vroclavja. 

25 žovťňa Kŷčera prosyt na Rock po Lemkivskŷ. Nadija i jej hos’ci. Vŷstupľat modernŷ lemkivkŷ Ansambli: Nadija jaka teper s’vjatkuje 10 liťa, Koolbaba, Krambabuľa, Demaj i Vodohraj. 

26 žovtňa bude pos’vjačenyj dľa dity. od 10 hodynŷ budut vedenŷ varštatŷ Lemkoľandyja. Zložŷt s’a na to: animacyi i varšatŷ dľa dity, i proekcyi fiľmiv animuvanŷch. 

27 žovtňa bude pos’lidnŷm dňom juvilejnoho toržestva Kŷčeraŷ. O 16 hodyni nastupyt gaľjakoncert Lemkivskoho Ansambľu Pis’ni i Tanc’a Kŷčera v tŷm absolventiv Ansambľu, a pak po koncertach Kŷčera zaprašat členiv Ansambľu, joho absolventiv jak i všŷtkŷch ľubyteliv na uročŷstyj baľ. 

Zaprošenŷ sut všŷtkŷ zainteresuvanŷ osobŷ. Vstup na cilyj program toržestv poza baľom je bezplatnyj. Naležŷt lem skorše zarezervuvaty mis’c’a. Chto ne bude mih prŷty osobysto to bude mih podyvľatŷ transmisyi on-line v interneti čerez profiľ Kŷčerŷ na facebook! Zaprašame! 

Lemkivskij Ansambľ Pis’ni i Tanc’a Kŷčera dije jako stovaryšŷňa od 1991 roka pid kijeryvnyctvom Jurka Starynskoho. Ansambľ maje velo artystŷčnŷch us’pichiv v Poľščŷ i za hranyc’amy. Utrymuje staly kontakty z inčŷma rusyňskŷma orhanizacyjamy zo Slovacyi, Serbii i Amerykŷ. Kŷčera je orhanizatorom veľkoho foľklorystŷčnoho festivaľu S’vit pid Kŷčerom, jakij tyrvaje dva tŷžni. Joho perša čast maje misce na Lemkovyni i druha na Čužŷni de Lemkŷ ostaly preselenŷ. 

Poza artystŷčonom dijaľnisťu Ansambľ vede najbiľšu v Poľščŷ pracovňu dos’lidžŷň lemkoznavčŷch z bibliotekom i archivum, v kotrŷm nachodŷt s’a vece jak 10 tys’. knyžok i dokumentiv pro Lemkiv. Kŷčera bŷla organizatorom i spivorganizatorom naukovŷch konferencyj i maje tiž svoje vŷdavnyctvo kotre vŷdalo kolo 20 knyžok pro Lemkiv. 

Kŷčera to predevšŷtkŷm ľude. V molodi grupi to je Kŷčerci je perešlo 50 dity a razom všŷtkŷch členiv je vece jak 100.

Pawel Chanas