Lekcia č. 28

Лекція 28
 
МОЄ СЕЛО
 
Менї компас не треба
Ниякых мап
Як павук трафлю
До свого гнїзда
Коли зачую
Ёго пах
Зачую пах
Страого пеца
Коли угликы тлїли
Світили
Як очі дївочкы
Вірьте
Не забуду до смерти
 
ЯК ПРИЙДЕ ЯРЬ
 
Зима
Роспорота
Роздерта перина
Лем ярь
Заштопкать ї
Зашыє
Черешнёвым білым цвітом
Лїпше ся позерать
На ногы
В куртых сукенках дївчат
 
Юрко Харитун
 
Части рока
Ярь – ярьнїй день
Лїто – лїтня спека
Осїнь – осїння природа
Зима – зимна країна
 
Місяцї
Януар – януаровый
Фебруар – фебруаровый
Марец – марцовый
Апріль – апрілёвый
Май – маёвый
Юн – юновый
Юл – юловый
Авґуст – авґустовый
Септембер – септембровый 
Октобер – октобровый
Новембер – новембровый 
Децембер – децембровый
 
Присловя, поговоркы, праностікы.
Ты такый, як марцова хвіля.
По Петрї, тай по теплї.
В апрілю і маю квіткы дїтей забавляють.
В маю, так як в раю.
 
   
Фарба – фаребный - Безфаребный/чорно-білый

ЗАДАЧІ

1. Якой суть фарбы? Мерькуйте на род і чісло назывників.
а) ягоды             
б) помаранчі
в) сливкы
г) ківі
ґ) сонце 
д) трава
е) море
є) земля

2. Комбінації фареб. Выберьте і напиште одповідь.
а) Дома маме телевізор (фаребный, чорно-білый)
б) Україньскый прапор є (жовто-белавый, біло-червеный)
в) Словеньскый прапор є (червеный, біло-белаво-червеный)
г) Моя кухня має (сиво-білу, червено-чорну)  комбінацію фареб.

3. Доповнийте адъєктівы, утворены од назв місяцїв. Мерькуйте притім на пад і род назывників. Місяцї ідуть по порядку.
а) В ..... зимі аж вуха мерзнуть.
б) Івана і єй мама ся народили у фебруару. Обидві суть .....
в) ..... сніг уж недобрый на санкованя.
г) ..... сонце іщі не барз грїє.
ґ) ..... ласка є найромантічнїша.
д) В ..... водї ся іщі немож купати.
е) ..... спрагота нас жене до холодку.
є) Ґаздове чекають на ..... жнива.
ё) ..... дїтину не захоплять спискы до школы.
ж) ..... ябка і грушкы суть барз смачны.
з) ..... вітор уж острый.
и) О ..... дїтёх ся говорить, же суть мудры.
 

> späť