Lekcia č. 29

Лекція 29
 
Івана і Янко: ШТО БУДУТЬ РОБИТИ ЗАВТРА?
 
Івана: Янку, што будеш робити завтра?
Янко: Наще рано піду до церькви. Служба є о шестій.
Івана: Думаш на службу в православнім храмі?
Янко: Гей, чув єм, же проходить в старославяньскім языку.
Івана: Маш правду.  Двараз до тыждня – в середу і в четверь є Служба Божа о шестій рано, а в суботу і в недїлю о пів десятій. В понедїлёк, вівторок і у пятніцю є служба перед вечаром – о пів шестій. Я была минулый вівторок.  До церькви ся мусиш святочно пооблїкати. В куртых ногавіцях тя не пустять.
Янко: Буду на то памятати. Кілько тримать така служба?
Івана: Думам, же 40 минут. В недїлю ай годину. Кінчіть ся перед обідом.
Янко: Апропо, днесь тя позывам на обід.
Івана: Ей-гаТо ємиле несподїваня. Так я тебе вечур до ТеатруА.Духновіча.
Янко: То є тыж миле несподїваня. Также днешнє цїле пообідя можеме  быти вєдно. Теперь подьме купити дашто на питя, бо мам велику жажду.
Івана: Я не проти.  Недалеко є буфет. А жебы сьме докінчіли  орґанізацію днешнёго дня – пополудне можеме навщівити накупный центер,  а тамды походиме аж до вечерї. Дасть ся там дашто мале зъїсти, жебы нам до вечерї не курчало в брісї.    
Янко: Видить ся мі, же кідь раз войдеме до накупного центра, не стигнеме ани вечерю, а може ани театер. А менї кідь зачне порядно курчати в брісї, так то є готовый концерт.
Івана: Не бій ся, Янку, вшытко стигнеме.
Янко: Але по театрї підеме посидїти до центра міста на пішу зону. Освітленый вечернїй центер Пряшова є прекрасный.
Івана: Не знам, ці бы сьме мали быти в містї до пізных ночных годин. Представлїня в театрї ся скінчіть коло десятой вечур, но а я бы хотїла быти перед півночов на інтернатї. А мав бы быти і ты до півночі в постелї, кідь хочеш іти скоро рано на Службу Божу до церькви.
Янко: Кідь не піду завтра, та піду напозавтра. То буде четверь.  Але не можу не выужыти можность побыти в такім краснім містї вєдно з іщі красшов дамов.
Івана: Дякую за комплімент.
Янко: То не є комплімент, то є факт. Русиньскы дївчата суть досправды найкрасшы на світї.
 
ЛЕКСІКА – ЧАСТИ ДНЯ
Наще рано – скоро рано – рано     
Дополудне/дополудне/дообіда
Перед обідом
Наобід
Пополудне/пообідї
Перед вечаром
Вечур
В ночі: до півночі, перед півночов, по півночі                                                      
Над раном
 
ЛЕКСІКА – ДНЇ В ТЫЖДНЮ
В понедїлёк зачінать тыждень.
Вівторок є мій щастный день.
Середа – середина тыждня.
У четверь піду до церькви.
У пятніцю ся тїшу на вікенд.
В суботу є час на пораїня.
Недїля – конечно оддых.
 
ЗАДАЧІ

1. Доповнийте до тексту вгодны присловникы. Реґіструйте части дня.
а) Коли встаєш? Встаю скоро .....
б) Такой фрыштикуєш? Нїт, на самый перед сі ..... зацвічу.
в) Спырхуєш ся ..... ? Гей, каждый день.
г) А што робиш ..... ? Цїле...... єм у школї на лекціях.
ґ)  Маш і даяку павзу на десяту? Гей, тїсно перед .....
д) А пак ..... ідеш на обід?  Нї, зъїм лем малу десяту і мам лекції.
е)  Доколи? Аж до пів третёй .....
є)  Не є то пізно на обід? Правду повісти, уж мі тогды ..... курчіть в брісї.  
ё)  А пообідї? ..... звычайно ходжу бігати – сам, або з моїм псом. Чую ся  притім барз .....
ж) Коли ся готовиш на лекції? Перед  ..... , кідь мам чісту голову і порожнїй бріх.
з) Спати ходиш барз пізно? Ани нї, перед ..... уж єм в постели.      

2. Повторюйте днї в тыждню одповіданём на вопросы.
Приклад:
Што роблю в понедїлёк?   
В понедїлёк чітам книжку.
 
а) Што робиш у вівторок? 
б) Што роблять Янко з Іванов у середу?
в) Де піде Янко у четверь?
г) Тішиш ся на пятніцю?
ґ) Звыкнеш в суботу пораїти?
д) Ходиш в недїлю до церькви?
 
 
Ключ к задачам:
1. а) рано, б) добрї, в) денно, г) дообіда, дополудне, ґ) обідом, д) наполудне, е) пообідї, є) барз,
ё) тогды, добрї, ж) вечаром, з) півночов.

Kurz rusínskeho jazyka je pripravovaný podľa učebnice - Доц. ПгДр. Анна Плїшкова, ПгД.
ПгДр. Кветослава Копорова: Русиньскый язык про зачаточників, Словеньска асоціація русиньскых орґанізацій – Русин і Народны новинкы, Пряшів 2011


Autor: Peter Medviď
 
 
> späť

 

Naše obce

Zobraziť galérie

Ujko Vasyľ


Marča prodavačka
-Povičte, prošu, a vašy buchtočky solodky?
-Hej, u mene any miži buchtočkami ne hirko...
Zobraziť viac
Náhľad publikácie

Československý svět v Karpatech

Československý svet v Karpatoch

Čechoslovackyj svit v Karpatach

Reprezentatívna fotopublikácia
Objednať