Lekcia č. 9


Лекція 9 – Lekcia 9
 
ЧІСЛОВНИКЫ (НУМЕРАЛІЇ)
 
Коли сьте ся народили?
Марта: Добрый день, Янку. Як ся маш?
Янко: Дякую, добрї. А ты?
Марта: Я тыж. Што робиш?
Янко: Выписую єден формуларь.
Марта: Мам ті помочі? Якы суть там вопросы?
Янко: Нї, дякую. Вопросы не суть тяжкы, суть легкы. Наприклад, кілько мам років, в 
            котрім роцї єм ся народив, кілько мам сородинцїв, якы языкы знам...
Марта: Справды, Янку, а кілько маш років?
Янко: Двадцять два. А ты?
Марта: Я мам двадцять пять років. В котрім роцї єсь ся народив?
Янко: Народив єм ся в тісяч девятьсто вісемдесят девятім роцї. А ты?
Марта: Я ся народила в тісяч девятьсто вісемдесят шестім роцї. Янку, а в котрім 
              місяцю єсь ся народив.
Янко: Я ся народив у маю. А ты?
Марта: Я ся народила в януарї. Двадцять пятого януара тісяч девятьсто вісемдесят
              шестого року. Котрого мая єсь ся народив ты?
Янко: Пятнадцятого. Пятнадцятого мая тісяч девятьсто вісемдесят девятого року.
Янко: Кілько знаш языків?
Марта: Три: словацькый, нїмецькый, анґліцькый. А ты?
Янко: Я знаю штири языкы: сербскый, русиньскый, анґліцькый і російскый.
Марта: Котрый з них є твій материньскый язык?
Янко: Другый – русиньскый. А твій?
Марта: Першый – словацькый.
Янко: Кілько маш сородинцїв?
Марта: Мам єдного брата і єдну сестру.
Янко: Кілько років мають твої сородинцї?
Марта: Брат має двадцять пять років, сестра девятнадцять. А ты маш братів або 
              сестры?
Янко: Я маю дві сестры. Перша має тридцять років, друга дванадцять.
 
Одповіджте на вопросы цїлыма речінями.  - Odpovedzte na otázky celými vetami.
 
а) Кілько років має Янко? ................................................................................................
б) В котрім роцї ся народив? ..............................................................................................
в) Котрого мая ся народив? ................................................................................................
г) Кілько знає языків? .........................................................................................................
ґ) Кілько має сородинцїв? ..................................................................................................
д) Кілько років мають Янковы сестры? ............................................................................
е) Кілько років має Марта? ................................................................................................
є) В котрім роцї ся народила? ............................................................................................
ё) В котрім місяцю ся народила? .......................................................................................
ж) Кілько языків знає? ........................................................................................................
з) Кілько має сородинцїв? ................................................................................................
и) Котрый є першый день в тыждню? ............................................................................
і) Кілько днїв має тыждень?.............................................................................................
ї) Котрый день в тыждню є середа?................................................................................
й) Котра часть в роцї є ярь? ............................................................................................
 
К написаным одповідям дайтевопросы. Чісловникы правилно прочітайте. – K napísaným odpovediam dajte otázky. Číslovky správne prečítajte.
а) ..............................................................................? –  Зву ся Янко Мудрый.
б) ..............................................................................? –  Єм зо Сербії.
в) ...............................................................................? – Штудую.
г) ................................................................................? – 25. януара 1986.
ґ) .................................................................................? – Маю 2 сестры.
д) .................................................................................? – Має 2 сородинцїв.
е) ..................................................................................? – Знаю 4 языкы.
є) ...................................................................................? – Знає 3 языкы.



Kurz rusínskeho jazyka je pripravovaný podľa učebnice - Доц. ПгДр. Анна Плїшкова, ПгД.
ПгДр. Кветослава Копорова: Русиньскый язык про зачаточників, Словеньска асоціація русиньскых орґанізацій – Русин і Народны новинкы, Пряшів 2011


Autor: Peter Medviď


> späť