Lipša česť, jak voliv šisť...

 
Chto by ne znav narodnu prykazku jaka povidať: Pravda na ohňi ne uhoryť i v voďi sja  ne zatopyť... A čom to prypomynam? V tohoričňim 18. čisli  novynok InfoRusyn byv publikuvanyj paskvil pid nazvov Nehanebnyj škandal,  avtor kotroho je ustrachanyj učiteľ - J.H. (Janko Hryb), jakyj sja otvoreňi hanbyť postavyty svoje povne meno pid vodopad hanlyvych slov na adresu rusyňskoho pysateľa Štefana Suchoho.
 
A jaku mav pryčynu ku takomu publičnomu napadžiňu? Na scenu vystupľať druha čarivna persona sučasnoho rusyňskoho (kuľturnoho?) rušaňa – prjašivskyj vydavateľ Aleksander Zozuľak. Čim, že nas na totraz udyvyv, jakov nemiloserdnosťov?  U druhim vydaňu vydav rukopys učebnyka Literatura vychova pre semu klasu osnovnych škol iz naučaňom rusyňskoho  jazyka, avtorom kotroho je spomynanyj Janko Hryb, pid avtorstvom Štefana Suchoho, jakyj o zlovžyťu svojoho mena na falšyve avtorstvo ne mav any podumy.
 
Tupyj klynec do laďičky na cyganstvo i bezcharetkernisť nakonec zatovtala redaktorka Info-Rusyna Silvija Lysinova, kotra bez toho, žeby pereviryla pravdyvosť i pravoplatnosť obvyniň na dresu pana Suchoho, bars šykovňi sja pryjala publykuvaty jich u svojich drukovaňim orgaňi. 
 
Tymto krokom naložyla haňbu na cilu Rusyňsku obrodu, kotra lem nedavno u 2010 roci udostojila Štefana Suchoho pamjatnov plaketov pry svjatkuvaňu dvadcjaťročja svoho zasnovaňa.. Kuľturna ľudnosť sobi važyť robotu pana Suchoho a chto takych ľudej bez pryčyny i odkryto ohvarjať, obeščeščuje Rusyniv i jich kulturu. Merzkych ľudej odsudyť ne to sud, ale pamjať naroda.   Chto choče naučaty kultury druhych, na samyjpered mav by ji sam maty.
 
Pamjatajte soj tot vyrok narušateli česty čestnych ľudej i hledajte  v sobi sylu ducha, aby ste sja oskvernenomu čoloviku kulurňi opravdaly...
 
-sp-
 
 
Na znamosť:
1, Redakcija Info-Rusyn  
2, Vladimir Protivňak, predsedateľ ROS
3, Svitova rada Rusy