Maďarsko: Striča

За март місяць были переведенї засїданя лідрув 13 меншыновых самосправовань з презідентом Мадярскуй Републикы Палом Шмідтом, руководителём представительского орґана націоналных конзултацій и Тібором Наврачічом – подпредсїдником премєр-міністра. Зачався діалоґ, про котры МАІ (мадярска аґенція інформації) подає слїдуючу замітку:
Наврачіч: мы ґарантуєме, што права націоналных и етнічных меншын не будуть обмежовати ся

У пятницю на засїданю з лідрами меншынових самосправовань, подпредсїдатель премєр-міністра Тібор Наврачіч особно ґарантовав, же в Мадярщинї права націоналных и етнічных меншын не будуть обмежовати – голосить Мадярськуй аґенції інформації Міністерія Держсправованя и Юстіції. За інформаціёв Управліня повіреного з парламентськых дїл на стрічі предсїдникы меншыновых самосправовань розпозерали внесенї блоком Fidesz -KDNP предложеня проекту змін Констітуції, и висловили свою позіцію, же и надале будуть наполягати на констітуційнї ґаранції своїх прав. Свою пудтримку введеню констітуційных змін лідры меншыновых самосправовань приобіцяли лем за умовы и далшого обезпеченя про них языковых, културных, освітнїх прав, права на муніципалноє и парламентськоє послаництво, и также захраненя інстітуції омбудсмена націоналных меншын. За голошенём Міністерії Юстіції и Держсправованя на засїданю вєдно з Тібором Наврачічом од правительства быв также держсекретарь по дїлах реліґійных, етнічных и сосполных капчань Ласло Сасфалві и отвічателный з етнічных вопросув, помучник держсекретаря Чаба Латорца. Предсїдникы націоналных орґанув самосправованя вже переже розробили властный проект правового текста, котрый обговорювали у четверь з ведучим націоналнуй консултативнуй рады Йожефом Саєром.

Політик партії Фідес по обговореню повів новинарям: Fidesz-KDNP отвореный про то, жебы вносити зміны до проекта констітуції з урахуванём думок и жадань націоналных меншын и етнічных ґруп. Вун додав: будуть зясь переведенї конзултації з меншыновыма самосправованями за вусловленї на стрічі пропозіії змін, и дуйшовши консенсуса, комісія по правах людины и націоналных меншын, у сосполных и реліґійных дїлах годна буде подати їх до парламента.

Пресова служба міністерії голосить, же міністер юстіції и державного справованя на стрічі заявив: у мартї буде оголошена завдата ним школна стіпендія про представителюв нацменшын. Місячну стіпендію у мірі 60 тысяч форінтув годнї вуграти ученикы рудноязычных и двоязычных середнїх школ. Сяка стіпендія была заряджена з цїлёв помочи тым талентованым молодым людям, котрі з фінансовых причин не мають можности вступити до універзитета вадь інстітута, вадь їх місто бываня находить ся далеко од высшых учебных закладув – читаєме в голошеню.
 

Жерело:
http://mti.hu/cikk/2011/03/18/navracsics-garantaljuk-hogy_nem_serulhetnek_a_nemzetisegi_es_kisebbsegi_jogok-536194