„Mala istorija Rusnacoch” prof. Ivana Popa

RUSKY KERESTUR – Štvartok, 17. februara, zoz druku vyšla „Mala istorija Rusnacoch” avtora prof. Ivana Popa,  preložena na rusky jazyk u tyražu od 1.000 prykladňiky.

Kňižka vydrukovana po spatraňu na orygynalne vydaňe Male dejini Rusinov chtoru vydalo Združeňe inteligenciji Rusynoch Slovackej, a spada do popularnych kňižkoch zoz istoriji šyckych Rusynoch/Rusnacoch/Lemkoch.

Vydavateľ kňižky „Mala istorija Rusynoch” u Republiky Serbiji - Ruska matka, za vydavateľa kňižky podpysany Ďura Papuga, predsydateľ Ruskej matky.  Recenzenty Mychal Šmygeľ i Borys Fejdy, lektor prof. dr Mychajlo Fejsa, a korektorka msr. Slavyca Čeľovsky.

Jak doznavame od vydavateľa, Ďuru Papugu, bezplatny prykladňiky hodno dostac na promotyvnych schodoch Ruskej matky u jej mesnych/horodskym/regyonalnym odboroch u Ruskym Keresture, Kuly, Kocure, Verbaše, Novym Sadze y Šydu, a z nahody pryrychtovaňa za popys žyteľoch u Republyky Serbyji u druhej polovky toho roku.

Jak Papuga vyznačel, tota monografyja prof. Ivana Popa omožľivy šyckym Rusnacom upoznac še na pravy sposob zoz veľima relevantnyma istoryjnyma poďijamy i istorijnyma osobamy o chtorych ňe maly možľivoscy čytac na ruskym jazyku. Ruska matka u Republyky Serbyji še prave pre toty pryčyny opredzeľela za prekladaňe texta monografyji Mala istorija Rusynoch na naš rusky/rusnacky/rusynsky jazyk, vyznačel Papuga.

Preklad teksta okončely: Maryja Dorošky, Mychajlo Katona, Nataša Makaji Mudroch, mr Helena Meďešy, Ľubyca Ňarady, Ďura Papuga, Nataša Perkovyč, Janko Takač, Borys Fejdy, prof. dr Mychajlo Fejsa, Blaženka Choma Cvetkovyč y msr Slavyca Čeľovsky.

Objavjovaňe Malej istoriji Rusynoch prof. Ivana Popa na ruskym jazyku omožľivel Horod Novy Sad, Evropska prestolňica kultury 2022. roku.

avtor M. Džudžar, RUTENPRES  

Zdroj: 
https://www.ruskeslovo.com/%d0%b2%d0%b8%d0%b4%d1%80%d1%83%d0%ba%d0%be%d0%b2%d0%b0%d0%bd%d0%b0-%d0%bc%d0%b0%d0%bb%d0%b0-%d0%b8%d1%81%d1%82%d0%be%d1%80%d0%b8%d1%8f-%d1%80%d1%83%d1%81%d0%bd%d0%b0%d1%86%d0%be%d1%85/