Mikloševci (Chorvatska) - Duchovni život - Veľka noc

Пошвецени коло сто кошарки
Миклошевчанє и їх госци, Вельку ноц 4. априла, шветочно преславели у Церкви Рождества Пресвятей Дїви Мариї зоз Службу Божу, хтору служел о. Яким Симунович, парох миклошевски.
З традицийним привитом „Христос воскресе" о. Симунович повинчовал вирним тото швето и у мено владики крижевского, кир Николи Кекича и пречитал його Вельконоцну винчованку.

Владика Крижевски, кир Кекич, у своєй винчованки вирних здогаднул на Исусово муки и болї хтори прецерпел, наглашуюци значносц затримованя на Христовей драги - прейґ любови ґу другому и своїм блїжнїм, воздзвигуюци ше над почежкосцами хтори залапели цали швет. По Служби Божей у миклошевскей церковней порти пошвецени коло 100 кошарки з пасхами и традицийнима Вельконоцнима єдлами.

Пондзелок, на Перши дзень Велькей ноци, хвиля нє була прикладна за облївачох, алє ше стари обичай заш лєм окончело.

Як и скорейших рокох, леґинє на кочох зоз запрагнутима коньми ходзели до дзивкох, хлопи облївали ґаздинї, та шпиванка одгуковала по Миклошевцох скоро цали дзень.

(конєц) клї/зам