Mož naručic " Koľadi Rusnacoch/Rusinoch/Lemkoch "

 

 

Мож наручиц „Коляди Руснацох/Русинох/Лемкох”
 

Вишла кнїжка „Коляди Руснацох/Русинох/Лемкох”

У виданю Шветового конґресу Руснацох/Русинох/Лемкох (РРЛ) концом прешлого мешаца вишла кнїжка „Коляди Руснацох/Русинох/Лемкох – писнї на чесц Рождества Исуса Христа”, а провадзи ю и пригодни компакт-диск.

 

На вецей як 350 бокох, у богато илустрованей кнїжки обєдинєни писнї на чесц Рождества Исуса Христа зоз шицких жемох у хторих нєшка жию РРЛ. Друкована є у 700 прикладнїкох, а прихтали ю проф. др Михайло Фейса з нашей жеми, Наталия Гнатко з Горватскей, Юрий Шипович з України, др Марияна Лявинец з Мадярскей, о. Василь Бойчук з Румуниї, Боґдан Ґамбаль з Полскей, Джери Джамба з Америки, як и Иван Чижмар зоз Словацкей, котри бул и координатор того проєкту.

 

Кнїжку у нашей жеми годно купиц у шицких месних одборох Рускей матки – у Керестуре, Коцуре, Кули и Вербаше, односно у Городским одборе у Новим Садзе и Реґионалним у Шидзе, а кошта 7 еври.

 

Заинтересовани кнїжку можу наручиц у спомнутих одборох РМ, а будзе им випоручена накадзи того мешаца сцигнє зоз Словацкей, дознава Рутенпрес од предсидателя РМ Дюру Папуґу.

 

автор:зам