Možu i ne Rusnaci

На Трибинох у Суботици и Орахове поставене питанє же чи ше до окремного виберанкового списку за руску националну заєднїцу можу уписовац и нє Руснаци.

На трибинох одвитоване же можу, понеже вияшньованє о националней припадносци уставне право каждого, без огляду якей є националносци.

Медзитим, єдна особа, без огляду на националносц, може ше уписац лєм до виберанкового списку єдней националней меншини.

З тим уписованьом годна гласац лєм за вибор националного совиту тей меншини до чийого списку ше уписала, у конкретним случаю - за вибор Националного совиту Руснацох.

Барз значне знац же лєм уписани до окремного виберанкового списку годни и виберац будуци Национални совит.

Право гласа, односно право уписац ше до того списку маю особи хтори и того року наполнєли 18 роки, з чим автоматски здобули право гласа.

У тим тижню, Национални совит Руснацох по своїх подручних канцеларийох орґанизує седем трибини о значносци и потреби уписованя Руснацох до окремного виберанкового списку.

(конєц) зам