Muzej ukrajinsko-ukrajinskoj kultury u Svýdnýku

Veľo sja pýsalo, že što značit nazva MURK u Svýdnýku po ukrajinsky – Muzej ukrajinsko-russkoj kultury. Posmoťme sja na stranu 280 publikaciji Dejiny východních Slovanů, vydano v Prahi 1947 roku, avtor toj publikaciji Profesor Dr. Josef Macůrek pýše, že v 11. storoči nazvu Rusýn, Ruthenus, Ruthenia použyvalý pro sebe pisateli halýčskych i volýňskych lýstýn i dakotry zapadoevropsky prameni. Nazva Rusýn, /Ruthenus/ sja utrýmala v Halýči až do novoj doby. Na Ukrajini zo svojich starých nazv uznavali i uznavajut za svoju nazvu Rus, russkij, i v Bilorusiji nazvu „ruskij“ uznavalý za staru nazvu až doky sobi neprýjalý svoju nazvu Bilorusi, Rusiv Uhorska i Poľska nazyvalý Rusýny aj ostalý nadale Rusýnamý.

Nazvu Ukrajinci neprýjalý Rusky ľude na Slovensku za svoju, totu nazvu lem nadýktuval Československyj povojnovyj štat, ktorýj byl sluhom ukrajinizačnoj politiky ZSSR na Slovensku. Uhorsky i Poľsky Rusi – Rusýny nestotožnýlý sja z nazvom Biloruskyj ani z nazvom Ukrajinskyj narod, ostalý nadale Rusýnamý. Zname, že sučasne vedžiňa Muzeju je proukrajinske i tverdýt, že „Rusýniv nema“, podľa nych na Slovensku žyjut lem Ukrajinci. Podľa vzoru byvaloj, na hnešňu dobi už moralni zastaraloj komunistickoj ukrajinizačnoj politiky, sobi hnešňe vedžiňa muzeja u Svýdnýku zrobýlo ukrajinskyj pereklad nazvu muzeja. Nerešpektuvalý interes štatut muzeja vydanyj Ministerstvom kultury SR . To značit že v perekladi svýdnýckoho muzeja mala bytý nazva Muzej ukrajinsjko – rusýnsjkoji kuľtury a je nazva Muzej ukrajinsko – russkoji kultury t.j. Muzej ukrajinsko-ukrajinskoj kultury. A to je calkom inšyj vyznam. Slovo – russkij je stare poňaťa pro Ukrajinciv ale ne platýt u nas, ne platýt pro našu kuľturu, ne platýt pro našu rusýnsku istoriju. Pro nas, pro naš region, pro našu kulturu i istoriju platýt slovo rusýnskyj. To značit, že to je dokaz jak avtor ukrajinskoj nazvy muzeja u Svýdnýku ocýganýl nelem rusýnskyj narod ale aj Ministerstvo kultury SR, ked tverdýl, že sučasna nazva Muzeja reprezentuje i Rusýniv, nepravda, bo tota nazva rezentuje lem Ukrajinciv, aj naperek tomu, že exponatý v muzeji maje lem rusýnsky. Nazva muzeja u Svýdnýku je podvod. Toto nedokazuje Kalýňak, ale profesor Dr. Macůrek u svojij naukovij roboti.

Mgr. Jan Kalýňak